Popular Bible Verses from Bhaloma 2

Share

Nambo mwenga chintendakwahukumulanga bhenibhala bhabhatenda hikubho handa yeneyo kubhee na kongo mwenga ntenda helahela, bholi ng'anikia mpakuchibheka kutali na hukumu ja Annoongo? Au mwenga ntenda kugubhelua umbone nkolongwa gwa Annoongo, kuchitimalika kwabhe na kulendela kwabhe, nkoto kuhimanya kubhee umbone gonogwe gwa Annoongo gutenda kunhuta nkombole kuleka mabohu na kwaatendebhukila Annoongo.

Bahi, aganja handa ntenda kwaahukumula bhandu bhangi, ngombola kuchitetela, hata nkibha mwenga nga aganiki. Kwa kwaahukumula bhangi, ntenda kuchihukumula mwe mwachinabhene kwa kubhee namwenga ntenda galagala chinhukumula bhangi.

kwa kubhee Annoongo atendakuhukukumula bhandu henela chiipalikwa.

Ngabha bhenibhala bhabhajohanga Malagilo nga bhabhakondekwa na Annoongo. Nambo bhenibhala bhabhagakamula na kujeketela Malagilo nga bhabhakondekwa na Annoongo kubhee bhammbone.

Lichobha lyenelyo Annoongo apakwaalepa kila mundu kubhokana na hikubho yabhe.

Nambo bhenibhala bhangi bhabhabhilinge na uchinabhene, bhabhii na kukananga hikubho ya kweli na kukagula ubohu, Annoongo apakwatumbalila na kwaalagianga handa chiipalikwa.

Nambo mwenga ngajoa na ntendakana kuleka mabohu. Ntendakuchibhekela lilaka, kwa lichobha lyela lya lilaka na uhunukulo gwa hukumu ja kweli ja Annoongo pajipakulangikwa.