Popular Bible Verses from Bhaloma 4

Share

Nambo Aaibulahimu jwangabhee na lipamba kwa ngani jenijela jibhakalobholelwa na Annoongo, ila akalekelelwa machili mu kuhobhalela na kwaalumbalila Annoongo, kongo abhikuhimanya kubhee Annoongo akibha na uwecho gwa kutenda genigala gabhaalobholile.

Handa Majandiko ga Annoongo chigajandikwe, “Ndekummeka mme atati bha bhandu bha hilambo hijingi.” Malobhe genego nga ga kweli nnoongi ja Annoongo yakubhee Aaibulahimu akaahobhalela Annoongo yakubhee atendakwaayoanga bhabhawilinge, na kwa kutenda hilebhe yangabhee hitenda kubhee.

Annoongo akaabhoka Ayesu ili akomekwe ligongo lya mabohu gitu, na akaayoa ili atutende tukondekwe na Annoongo.

Aaibulahimu akahobhalela na kulupalila hata handa kukongopala kwabhe kukaatenda kuhengeleka ntima, henela atekubhee atati bha bhandu bha hilambo hijingi, itekujandikwa mu Majandiko ga Annoongo, “Akaabhelei bhinu bhapakubhee bhajingi handa ndondwa!”

Chikubho heche chitendakulupalila kuhobhalela, henela genigala gabhakalobhola apakutupekea gabhokana na umbone gwa Annoongo, na kubhee nga kweli genigala gabhakalobhola Annoongo apakutupekea nga ligongo lya bhoa, ngabha kwa bhenibhala tu bhabhagakamula Malagilo, ila kwa bhenibhala kabhele bhabhatamanga kwa kuhobhalela handa Aaibulahimu. Jonojwe nga atati bhitu twenga twabhoa.

“Bhatendakuhangalala bhenibhala bhandu yakubhee Annoongo atekwaalekelelanga mabohu gabhenji na mabohu gabhenji atekugahuta. Apakuhangalala muno mundu jola yakubhee Hangwana ngakombokela mabohu gabhe.”

Majandiko ga Annoongo galobhola, “Aaibulahimu akaahobhalela Annoongo, na bhena Annoongo akaakonda kubhee jwammbone.”