Popular Bible Verses from Pigbukasan 8

Share

Na, sa pagkamang na Nati na Karniro sa kapitu na silyu na libru, awun katinep dun ni tas na langit seled na tengaꞌ ya udas.

Aw sa pag-eyep na tagnaꞌ na anghil sa trumpita nan, nyulan na ayis asini tas na lupaꞌ aw atulun na kya-agadan na duguꞌ. Aw nyangkasunug ya katluwan tag tulu (33) ka porsinto ya lupaꞌ na magdang dala ya manga kawuy. Aw nyabus nyangkasunug ya malunaw na sagbet.

Pagkatigkas yan, awun kyinitaꞌ ku na malambegek na lyumupad adti dalem na langit, aw dyengeg ku ya dakulaꞌ na tingeg nan na miglong, “Dakman tulu ya manga anghil na walaꞌ pa pag-eyep sa trumpita nilan. Aw sa pag-eyep nilan, to-o malatay ya un datengan na manga nyeyaꞌ dun ni kadakulaꞌ na banwa!”

Sa pag-eyep na kadwa na anghil sa trumpita nan, awun nyolug adti dagat na liwan na to-o dakulaꞌ na buntud na lyumaga.

Pagkatigkas yan, pig-eyep na katlu na anghil ya trumpita nan, aw awun uman nyolug lekat adti langit na to-o dakulaꞌ na bitun pasinan adti magdang na lupaꞌ. Aw kyolugan nan ya katluwan tag tulu (33) ka porsinto ya manga mangkabaklaꞌ na gangaꞌ aw manga tyugbulan na tubig. Aw ya ngalan na bitun yeiy, Mapayit. Aw nyangkabaleng ya kadég na nyaka-inem sa tubig yan. Aw madég ya manga utaw na nyangkamatay asuntu sa pag-inem nilan.

Pagkatigkas yan, pig-eyep na kapat na anghil ya trumpita nan, aw migkangitngit ya katluwan tag tulu (33) ka porsinto ya silat na sega, aw maynan uman ya bulan aw manga bitun. Yanagaw kun allaw, katluwan tag tulu (33) ka porsinto ya magkangitngit, aw kun gabi maynan uman ya nya-imoꞌ sa bulan aw manga bitun.