Popular Bible Verses from Pigbukasan 7

Share

Pagkatigkas yan, awun kyinitaꞌ ku na madég to-o na manga utaw na diliꞌ mabatug iyapen. Aw pangkay unu ya tribu nilan, aw pangkay ayin silan na nasud paka-akup, aw kun unu ya punganan na tingeg na piglong nilan, alag silan nyan-indeg adti asdangan na trunu na Tyumanem aw asdangan na Nati na Karniro. Aw alag silan migkadégkadég sa maputiꞌ aw nyan-awid sa manga palwa na palma.

Aw miglong silan sa dakulaꞌ na tingeg: “Ya pagpaluwaꞌ kanaten lyumekat saba adti Tyumanem na yan ya nyingkud adti trunu aw lekat adti Nati na Karniro!”

Kay ya Nati na Karniro na awun ni trunu, yan ya magdiyaga kanilan. Aw yan ya mag-allad kanilan adti manga selep na gayed tyumugbul na nyatag sa ginawa na walaꞌ ya katigkasan. Aw dayaw na Tyumanem galisan ya manga luwaꞌ na mata nilan.”

Yanagaw nyan-indeg silan adti asdangan na trunu na Tyumanem. Allaw aw gabi gayed nilan pigsimba sakanan dun ni Témplo nan. Aw ya nyingkud dun ni trunu, yan ya migtameng kanilan. Aw diliꞌ da silan magetem aw talaynemen, aw diliꞌ da silan to-o kapasu-an na sega.

aw law nan kanilan, “Ya-i pa mayu pag-ilabeti ya lupaꞌ aw ya dagat aw ya manga kawuy. Tagadi pa na kamarka͡an naten una ya bayuꞌ na manga utaw na sugu-anen na Tyumanem.” Aw walaꞌ kadugay, pigdengeg ku na ya kadég na manga utaw na kyamarka͡an da, sanggatus aw kapatan tag upat kamalalan (144,000) na alag lekat adti buwadbuwad na manga mangayseꞌ ni Isra-él na eseg