Popular Bible Verses from Pigbukasan 9

Share

Manang ya nyasamaꞌ na manga utaw na walaꞌ kamatay asuntu sa tulu ya pyagamak yeiy, kenneꞌ na walaꞌ silan pagselsel sa manga pigpan-imoꞌ nilan. Migpadeleg silan baling migsimba sa manga busaw aw sa manga inutaw na pig-imoꞌ lekat adti bulawan, aw bulawan na maputiꞌ, aw bronsi, aw batu, aw kawuy, pangkay ya manga inutaw yeiy diliꞌ magkitaꞌ aw diliꞌ magpakadengeg aw diliꞌ magpakapanaw. Aw walaꞌ silan pagselsel sa pagpatay nilan sa utaw aw sa pagkatalagamutan nilan, aw sa pagkasala-enen, aw sa kanilan pagtakawunun.

Aw lyumekat dun ni ebel ya madég na manga dulun, aw dyumapuꞌ silan dun ni lupaꞌ. Aw pig-atagan silan na katulus magpati-is sa manga utaw kasiling na pigbangaꞌ na sangalan. Manang pigpigil kanilan ya pagkan sa manga sagbet aw manga kawuy, aw eped pa na manga tanem. Yan oloꞌ ya pamulayaman nilan ya manga utaw na walaꞌ ya marka na Tyumanem dun ni bayuꞌ nilan.

Aw pig-eyep na kalima na anghil ya trumpita nan, aw awun kyinitaꞌ ku na nyanog, aw kasiling sakanan na bitun na nyolug lekat adti tas na langit. Aw yan saba ya anghil na pig-atagan na lyabi sa sab na gawang na walaꞌ ya katantanan.

Aw seled na limambulan ya pagpamulayam kanilan. Manang walaꞌ kanilan tumbayan na patayen ya manga utaw. Aw ya kasakit na pigbatiꞌ nilan kasiling na pigbangaꞌ na sangalan.

Aw awun hariꞌ na migdumala kanilan, na yan ya sambuk na anghil na pigkalabusu na Tyumanem asini muna dun ni gawang na walaꞌ ya katantanan. Ya ngalan nan adti tingeg na Hibriyu: Abadon. Aw adti tingeg na Grigo: Apolyon.