Popular Bible Verses from Hibriyu 4

Share

Kay to-o matulus ya tingeg na Tyumanem, aw to-o pa matalem kay sa lipang. Mabatug nan kelegan ya anenganeng na manga utaw kasiling na lipang na pigtibas na matengaꞌ nan ya pigkita͡an na pesaꞌ, aw dayaw uman datengen ya utuk na pesaꞌ. Aw mabatug na kanan tingeg bukasan ya awun ni anenganeng na utaw pangkay ya pigtaguꞌ nan dala ya manga palpa aw pagkaliman nan.

Yanagaw diliꞌ kitadun mabekenbeken magpalapit adti trunu na Tyumanem na to-o magkallat, pada kallatan kitadun nan aw tabangan nan dun ni allaw na manganday kitadun kanan.

Aw kya-ede-an nan ya kadég na pagtandaꞌ kanaten kay kya-agiyan nan saba uman. Manang walaꞌ sakanan pakasalaꞌ.

Aw walaꞌ ya pangkay unu na pigtaguꞌ na diliꞌ ka-ede-an na Tyumanem. Kyinitaꞌ nan alag, aw nyabangal adti kanan ya kadég. Aw tubagenen tadun adti kanan ya kadég na kanaten pigpan-imoꞌ.

Yanagaw, pakasaligen tadun ya kanaten pagpangintu-u. Kay awun da kanaten To-o Matas na Magdadugsu-ay na yan si Jisus na Iseꞌ na Tyumanem na adtu la ni tas na langit.

Yanagaw tibagsegan tadun na makaseled adti paglagdengan yan, pada diliꞌ kitadun makasuway kasiling na manga mangkatikadeng tadun asini muna na walaꞌ dalug sa manga suguꞌ na Tyumanem.