Popular Bible Verses from Hibriyu 5

Share

Manang ya utaw na unud da ya pagpangintu-u, kasiling sakanan na utaw na magpakakan da sa mabagseg. Pignalam nan ya kanan anenganeng sa pagka-edeꞌ kun unu ya madyaw aw kun unu ya malatay.

Madugay da kamu nyangintu-u kan Kristu, yanagaw makapalna-u la galu kamu sa manga eped, manang mendaꞌ adun ka-ilangan pa kamu palna-uwan sa manga tagnaꞌ na palna-u na lekat adti Tyumanem. Kasiling kamu na tagbiꞌ na iseꞌ na magsusu pa na diliꞌ pa magpakakan sa mabagseg. Kay ya utaw na maynan, walaꞌ pa ya kya-ede-an nan kun unu ya madyaw aw kun unu uman ya malatay.

Aw pangkay tengteng sakanan Iseꞌ na Tyumanem, kyapalna-uwan sakanan adti pagdalug sa pagkaliman na kanan Ama magi dun ni manga pagti-is nan. Aw asuntu na dayaw nan pigtuman ya pagkaliman na Ama, nya-imoꞌ sakanan agiyanan sa pagpakaluwaꞌ na manga utaw na mangintu-u kanan pada matagtun nilan ya ginawa na walaꞌ ya katigkasan.

Na, sa asini pa si Jisus ni tas na lupaꞌ, nyanawagtawag sakanan adti kanan Ama, aw migsugaw na nyangilalat sa mabagseg na tingeg kay yan oloꞌ ya makapaluwaꞌ kanan adti pagkamatay. Aw asuntu na migpadalem sakanan aw pig-imoꞌ nan ya pagkaliman na Ama nan, yanagaw dyengeg ya kanan pagpanawagtawag.