Popular Bible Verses from Kolosiapụ 3

Share

Ọmịnị ngịrịma nyáná jụghọ jụghọ pịrị pịghịị siiḅụḅarasipịrị nyáná siinyẹ pa ọ mịẹapụ gonyẹ́ gonyẹ́ pịrị. Ọ siiḅụḅarasipịrị nyáná Kị́nị́nyánáḅọ so siiḅụḅarasi ọ pịrị ḅara.

Ọmịnị ọmịna kóróma pa sobie fịnịnyẹ ma ḅụ gbánā, kiribie fịnị nyẹ́maghaa.

Ọ mịẹarịnyẹ gonyẹ́ gonyẹ́ ọmịnị ọmịna tẹ́mẹ́ mamgba pa anị mịẹ, sọ́ḅọ́rọ́ ọ fịrịnwangị Kị́nị́nyánáḅọ ma pịrịarị ọ nwángị tumḅọ pịrịgha.

Anịgosi, Tamuno sẹlẹakị ọ ḅụ pịrị túminị́, tọ́ntọ́ pịghị ori ibima ḅẹlẹmaapụ ọ ḅụ́jịrịrị pa ọmịna suabịtẹ mịẹ, ibitẹ́mẹ́ nyáná, ḅụ sitéréma, diin duma na pịghị inema nyáná.

O wáriso sị Krais ẹ́gẹ́rẹ́ ma bifụfụụ́ ḅara pa ọmịna bie ngaa nyẹ pa jụghọ jụghọ die pịghị opu níminyẹ ḅụ jụghọ jụghọ birinụ́nụ́, ọ núme diri ma súu pịghị núme súu pịghị tẹ́mẹ́ju núme suu ọmịna tẹ́mẹ́bie ịmịẹḅam pa Tamuno ḅẹẹarị. Ọ mịẹnyẹ gonyẹ́ gonyẹ́, ḅọ́rọ́ ẹ́gẹ́rẹ́ ḅụ anịgha mịẹnyẹ ḅụ, nyẹ gonyẹ́ gonyẹ́ mịẹ Kị́nị́nyánáḅọ Jizọs ẹrẹ ḅụ, ịmịẹḅam pa Tamuno Daḅọ ma pịrịarị ori ẹrẹ ḅụ ḅọ́rọ́.

Mịná mịẹnyẹ mamgba ọgọnọ, ḅẹlẹma nyána, mịma anịị nyẹ mamgba kpọọ pa gbẹ́rẹ́nyẹ mịẹnyẹ anị kpain ḅara ḅụ.

Anịsáa éné éné ọ Krais na fịị ḅụ saghịmáa ḅara, ọmịnị ọmịna tẹ́mẹ́bie pa sobie fịnịnyẹ ḅụ gbánaá Krais Tamuno ámáḅara angaá kpọrọfịnị angaá.

Krais diin ọmịna tẹ́mẹ́bie ḅẹrẹtọ, ọmịnị gbẹ́rẹ́ ojuapụ ḅara ma, nnị ọ siim ḅẹ́ ọ diin ḅụ ngaa. Ọ pịghị ịmịẹḅam pa Tamuno ḅẹẹ.

Anịgosi, mịẹsị anị fịị, tuminikiri ị́yẹ́ duma bie fịnị pụghọ tarịarịnyẹ ma: yáakuu ḅụ ofori nwángị duma, ámánwángị ịlọ́lị duma, ámánwángị pughotarị, siinyẹ pughotarị na oputọrụ mịma sị ḅara sọ́ḅọ́rọ́ susi n kara tamuno pịrị.

O fịịmam gosi, ọmịna duma mị́sa n pa Krais na Tamuno bie ḅọghum.

Kụ́ma ọmịnị mị́sa mịnanyẹ mamgba ḅụ, ḅụ sií, mịnanyẹ ma anịị, bieoḅu, opu bieoḅu, sitẹ́mẹ́ nyáná jụghọ pịrị, kị́nị́ dughosima na ọmịna ịlọ́lị ẹ́gẹ́rẹ́kọọ.

Iruo ẹ́gẹ́rẹ́kọọ jụghọ jụghọ pịrịma ọmịnị ọlọm oju ma na anị mịẹ mịẹnyẹ sịghịmáa ḅara ma, ịwọ oju ma sua sị árị ḅẹ́ sámámgba ọmịnị iwọarị, ọ pịghị sẹnịarị ḅara ọmịna Tẹ́mẹ́ḅọ nimi ḅụ sị pịghị ọ fịnị ḅara fịnị.

Deeapụ ọmịnị ọmịna taapụ ḅẹlẹma si kụrọ ḅara pa nnị na ngaa ma.

Awọamaapụ nyẹ gonyẹ́ gonyẹ́ ḅụ, ọmịnị ọmịna nyingiapụ na daapụ bịpị pughu, ḅẹ mịma Kị́nị́nyánáḅọ ḅụ ḅẹlẹm.

Taapụ ọ sịbị pa ọmịna deeapụ sughubie sua mịị ḅara ma anịị anị karakárá ḅara Kịnịyánáḅọ ma tórúku.