Popular Bible Verses from Kolosiapụ 2

Share

Anịgosi, ọ Krais Jizọs daákịmaá ḅara ḅẹ́ ori anịị Kị́nị́nyánáḅọ, ọmịnị ọ ḅụ duma kọọ bịpị muu. Ọmịna kune ọ ḅụ sọtẹ́lẹ́máa, ọmịnị ọ ḅụ duma kọọ, sị sẹ kụ́rọ tẹ́lẹ́ma ọmịna minini ḅụ, nnị anị pa ọ die ḅárá. Si bieḅẹlẹ imiẹḅa ọmịna bie bii fụ́fụ́.

O minima gbẹ́rẹ́ḅọ sọ ofori ofori na oḅori pa kị́nị́ sinyẹ nụná ḅụ ḅọ́rọ́ o kuu pa ịkóli bie sua, anịị tuminikiriapụ nyẹ mịẹmịẹ ḅara ḅụ saghị ḅoarị nyẹ, tuminikiri táarị sitẹ́mẹ́ ḅụ ḅọ́rọ́ kụ́ma Krais ḅara ḅụ saghị ḅogha.

Gbẹ́rẹ́ sáá biri tẹ́mẹ́ ḅụ ọ fịị famam ọmịna sii gosi, ọmịnị ma pịghị ólóghó nyánágha Juughaapụ gosi. Kụ́ma mị́sa Tamuno ọmịnị pa duma bie suamam Krais ḅụ. Tamuno pịghị wámịna sii mamgba wáriso wa pịrịm. Diri bie n gịẹ wámịna sịbị gbánā ologho ma na ologho ma bii nyẹ káakọsima wamịnị na fiagha nyẹ, pịghị asọ mgbẹsẹ wa pịrịnyẹ, ori anị saghị siim, anị ḅaupálị mgbẹsẹ sị́ ọgọnọ.

Ḅẹẹ Krais ḅụ, anịị Tamuno káara ḅara pa ọ ḅụ die nyẹ ojumẹnị ḅụ, n pịghị Krais bie káaraapụ pa o mịẹmam, ori anịị pịghị sịbịda táarịapụ na kụ́rọ gonyẹ́ gonyẹ́ pịrịḅọ.

Anịgosi minima sị gbẹ́rẹ́ḅọ sọ ḅẹ́rẹ́kọ ọ sịbị, o ḅuu ḅụ nyẹ anịgha ọ fịị fịịnyẹ anịgha tọ́ntọ́ éné, álálị fị gbolomanyẹ, anịgha ịwọ akalụ́ anịgha Ịnyọ́sárá Éné gbolomanyẹ. Mịnanyẹ ma anịị toruku ḅoarị nyẹ ma tẹ́mẹ́; kụ́ma nyẹ ma ḅụgbọrụ, Krais bie anịị anị iminyẹ.