Popular Bible Verses from Kolosiapụ 1

Share

Ọ wa duapághámaḅomam kánákáná kụ́rọ ma ḅarabie sị wamịnị akuoo pa ọ ḅẹlẹma Tụwọ ma kọnsịn amadakiri bie sua.

Tegó ọ ḅụ ḅọ́rọ́ anịị Tamuno nyẹ gonyẹ́ gonyẹ́ tẹ́mẹ́nyẹ: so na kiri ma bie fịnịnyẹ, túminị́ tọ́rụ́ pa árịnyẹ na túminị́ tọ́rụ́ pa arịgha nyẹ, ḅọ́rọ́ imine anịgha kụ́rọ anịgha táarịapụ anịgha kụrọnyanáapụ; Tamuno ọ ḅụ ḅọ́rọ́ nyẹ gonyẹ́ gonyẹ́ tẹmẹm nyẹ gonyẹ́ gonyẹ́ n tẹ́mẹ́ ọ pịrịm.

Tẹrẹmẹ n ḅẹnyẹ ḅẹnyẹ tẹ́mẹ́ ori imii, ọ bie anịị nyẹ gonyẹ́ gonyẹ́ nnị anị ọlọ gbolomanyẹ.

Krais, wa tọ́rụ́ pa arịarịḅọ ma fịnị ḅárá anịị Tamuno ma wa tọ́rụ́ pa arịgha ḅọ ma fịnị ḅárá. Ori anị n parị yii Tụwọ, ori n tẹ́mẹ́nyẹ gonyẹ́ gonyẹ́ ma nẹngịm.

Mịma gosi, wa sághị o gbolomanyẹ náa sa éné éné wamịnị ịnyọsáragha ḅara pa tẹ́ghẹ̄ ọ pịrịarị pịghị Tamuno ḅara biiarị ḅẹ́ Tamuno ori níminyẹ ọ tọ́ọ ḅará pa ọ pịrị bimáa na pịghị ọ Tẹ́mẹ́ sághị ḅoo opúniminyẹ mamgba na akanyaḅo pa ọ pị́rị́. Wa mịị tẹ́ghẹ̄ ma kọọarị sị ọmịnị ine Kị́nị́nyánáḅọ bii ḅara pa duma kọọ, pịghị o bieḅẹlẹma asọ mamgba ḅụ: ọmịna duma pịghị mgbọ́lụ suarị ibifịrị gonyẹ́ gonyẹ́ ḅụ, pịghị sẹnịarị ọmịna Tamuno nimi ḅụ.