Popular Bible Verses from 1 पतरस 3

Share

पर मसीह नु प्रभु जाणती कर आपणे आपणे मना मां पवित्र समझा, ते जको कुई तम्हा कनु तम्ची आस चे बारे मां कहीं पूछे ते ओनु उत्तर ङेणे चे वास्ते हमेशा तियार रिहा, पर नरमाई ते ङर चे लारे। ते आपणे विवेक नु वी शोद्ध राखा, ऐवास्ते कि जिसीया बाता चे बारे मां वे जको मसीह मां तम्चे आच्छे चाल-चलन चा अपमान करी, शर्मसार हो।

कांकि प्रभु चीया आंखीया धर्मीया उपर हमेशा लाग़लीया रिही, ते ओचे कान ओची बिनती चे तरफ लाग़ले रिही। पर प्रभु बुराई करने आला चे विरोध मां रिहे।”

ते तम्चा सिंगार ङिखावटी ना हो, यानिकि माल गूंथणे, ते सोने ची ग़ाहणी, जा तरह तरह ची ओढ़णी घालणी। बल्कि तम्चा सिंगार तां तम्चे मना चा भीतरी व्यक्‍तित्व हुवणा चाही छै जको मुलायम ते शान्त चे अविनाशी सुन्दरता लारे मिड़ला आला हो। नरीकारा ची नजरी मां जको ब़ोहत ही कीमती हो।

कांकि शास्त्र मां लिखले पले, “जको कुई जीवन ची इच्छा राखे, ते आच्छी ङिहें ङेखणे चाहवे, ऊं आपणी जुबानी नु गन्दिया बाता करने कनु रोकली रिहो। ते आपणे होठा नु छल चा बाता कनु रोकली रिहो। ऊं बुराई चा साथ छोड़ती ङियो, ते भलाई चा ही बाता करो। ऊं मेल-मिलाप नु सोधो, ते ओचा जत्तन करना चाही छै।

ऐचा मतलब हा छै कि तम्ही सारे चे सारे हेक मन हुती कर, दयालु, ते भाईचारे ची प्रीति राखणे आले, ते दयावन्त ते नर्म बणा। तम्ही बुराई चे बदले मां बुराई ना करा। ते ना गालीया चे बदले गालीया काढ़ा, पर ऐचे बदले आशीष ही ङिया। कांकि तम्ही आशीष चे वारिस हुवणे चे वास्ते हकारले गेले।

ते तम्ही अगर भलाई करने मां लाग़ले रिहा तां तम्ची बुराई करने आला बल्ति कूण छै?

ऊं बुराई चा साथ छोड़ती ङियो, ते भलाई चा ही बाता करो। ऊं मेल-मिलाप नु सोधो, ते ओचा जत्तन करना चाही छै।

कांकि अगर नरीकारा ची हाओ इच्छा हो, कि तम्ही भलाई करने वास्ते ङोख भोग़ा, तां हा बुराई करने ची बजाय कनु ङोख भोग़णे आच्छे छै।