Popular Bible Verses from 1 पतरस 2

Share

पर तम्ही तां हेक चुणला आला वंश, ते राज़ पदधारी, याजका चा हेक समाज, ते पवित्र लौक, ते हेक इसड़ा झोण्ड जको नरीकारा चा आपणा छै, ताकि तम्ही नरीकारा चे महान कामा ची घोषणा कर सग़ा जेह्णे तम्हानु अन्धारे महु काढ़ती कर अदभोत सोज़ले मां हकारले। ओचे गोण उजागर करा। जिंवे पवित्रशास्त्र मां लिखले पले

ओ खौद्द ही अम्चे पापा नु आपणे शरीरा चे उपर चती कर क्रूसा उपर चढ़ती गेला, जाये कनु अम्ही पापा चे वास्ते मरती कर धार्मिकता चे वांचे वास्ते जीवन बिताऊं, ओचे ही मार खाणे ची वजह कनु तम्ही चंगे हुले। कांकि तम्ही पेहले भटकलीया आलीया भेङा आलीकर हुते, पर हमा तम्ही आपणे आजड़ी ते आत्मा ची रखवाली करने आले सनु पुठे फिरती आले।

“तम्ही पेहले तां कहीं वी कोनी हुते, पर हमा नरीकारा चा वंश छिवा। तम्चे उपर दया कोनी हुली हुती, पर हमा तम्चे उपर नरीकारा ची दया हुली।”

नवें जमले आले ब़ाला आलीकर, शोद्ध आत्मिक ङूधा ची इच्छा राखा, ताकि ओचे जरिये तम्चा उद्धार ते बढ़ोतरी हो।

हे प्यारे, मैं तम्हा कनु बिनती करे पला, कि तम्ही संसारा मां प्रदेसीया चे रूपा मां छिवा, जको तम्ची आत्मा लारे योद्ध करतीया रिही वा शरीरा चा इच्छा कनु तम्ही बचले रिहा। नेरीया जातिया मां तम्चा चाल-चलन भला हो, ऐवास्ते कि जिसीया जिसीया बाता मां वे तम्हानु बदनाम करी, वे तम्चे भले कामा नु ङेखती कर, प्रभु चे आणे चे ङिओ वे नरीकारा ची महिमा करो।

तम्ही वी आप जीते पत्थरा आलीकर आत्मिक घर बणते जावा पले, जाये कनु याजका चा पवित्र समाज बणती कर, इसड़े आत्मिक बलिदान चढ़ावा, जको ईशु मसीह चे जरिये नरीकारा नु ग्रहण हो।

ऐवास्ते हर-तरहा चा बैरभाव ते छल ते कप्पट ते डाह ते बदनामी नु दूर करती कर

ओचे गोढु आती कर, जानु बन्दा ने तां निक्‍कमे ठहराले, पर नरीकारा चे गोढु चुणला आला, ते बेशकीमती जीता जाग़ता पत्थर छै।

आपणे आप नु तम्ही आजाद जाणा, पर आपणी ये आजादी नु बुराई चे वास्ते ओट ना बणावा, पर आपणे आप नु नरीकारा चे दास समझती कर चला।

कांकि नरीकारा ची इच्छा हाओ छै कि तम्ही आपणे भले कामा ची वजह कनु मूर्ख लौका चे मुँहा नु बन्द करती नाखा।