Popular Bible Verses from 1 पतरस 4

Share

सबकनु खास बात हा छै कि हेके ङुजे लारे ज्यादा प्रेम राखा कांकि प्रेम ब़ोहत पापा नु ढकती नाखे।

जानु जको वरदान मिड़ला आला छै, ऊं वानु नरीकारा चे हर-तरहा चे अनुग्रह चे भले भण्डारी आलीकर हेके ङुजे ची सेवा मां लाओ।

अगर कुई ब़ोलो, तां इसड़े ब़ोलो मना नरीकारा चा वचन छै, अगर कुई सेवा करे, तां वे ताकती लारे करो जको नरीकार ङिये, जाये मां सारीया बाता ईशु मसीह चे जरिये, नरीकारा ची महिमा प्रकट हो। महिमा ते साम्राज्य युगानयुग ओचा छै। आमीन।

पर मसीही हुवणे चे वजह कनु ङोख भोग़ो, तां शर्मसार ना हो। पर ऐ बाते चे वास्ते नरीकारा ची महिमा करो।

सारीया बाता चा अन्त तुरन्त हुवणे आला छै। ऐवास्ते काबु हुती कर प्राथना वास्ते चौकस रिहा।

हे प्यारे दोस्त, जको ङोख तम्हानु परखणे चे वास्ते जाखते चे लारे ङिला जई, ओचे कनु हा समझती कर अचम्भा ना करा कि कुई अनोखी बात तम्चे उपर बीते पली। पर जिंवे मसीही चे ङुखा मां शामिल हुवा, ते खुशी मनावा, जाये कनु ओची महिमा उजागर हुते समय उपर वी तम्ही खौश ते मगन हो सग़ा।

बिना बुड़कले हेके ङुजे ची मेहमानी ते कद्दर करा।

ऐवास्ते जको नरीकारा ची मर्जी चे अनुसार ङोख भोग़ी, वे भलाई करते हुले, आपणी-आपणी जेन्द नु विश्‍वासा लारे सरजनहार चे हाथा मां सोंपती ङिया।

ऐवास्ते जबकि मसीह ने शरीरा मां हुती कर ङोख भोग़ले तां तम्ही वी वेही मनसा नु हथियारा आलीकर धारती गिहा कांकि जेह्णे शरीरा मां ङोख भोग़ले, ऊं पापा कनु छुटती गेले ऐवास्ते कि भविष्य मां आपणे बाकि शरीरिक जीन्दगी बन्दा ची इच्छा चे अनुसार ना बल्कि नरीकारा ची इच्छा चे अनुसार बितावा।

अगर तम्ची मसीही चे नांवा उपर बेकदरी हुवे, तां वे बेकदरी नु सहन करती गिहा कांकि तम्ही धन्‍न छिवा। कांकि महिमा ची आत्मा, जको नरीकारा चा आत्मा छै तम्चे मां वास करे।