Popular Bible Verses from Hakakolose 3

Share

Mu kare ghudhidhimeka no mu kuthigherere, ngeshi ghumweya oku gha nepitha muyendhendi. Thika di gha mu thigherera Fumu, namwe kemo dyo sho mu tende karo mukuthigherera hayendhenu.

Mu ghayare yinu yomudiwiru, kadi yopamuve.

Yoyiheya yi muna kutenda, mu yitende nomutjima ghoghuhe thika di gha yihima Fumu. Mbadi kwawanu.

Amwe, mwatorori waNyambi yu gha mu haka thikuma. Yodigho mwa kona kupara thiwana pofotji. Mu kuyuve, mu kumbirupithe, mu kare noghunongo noghudhughutjima.

Mbudhi dhaKristusi dha kona kuyarerera mughutungi wadho mumwenu. Mukuhonge no mukuhangathane noghunyanyami ghoghuhe. Mumitjima dhenu, mwa kona kwimba matumero mumipisalemi, membo ghomakughero no membo ghokupongoka kwaNyambi kudifumanekere dyendi. No yoyiheya yi muna kughamba no kutenda, muyighambe no muyitende muDina dyaHekudyetu Jesusi no mu tumere Nyambi Wihe paPendi.

Muyinu yoyiheya yi, thothikuru po ne eshi, mwa kona kukuhaka pofotji. Edi dyodinungo di mwa ku kwata pofotji mumakupakerero ghokuyara.

Ngeshi pofotji mwa vumbukire naKristusi, mu shane yinu yomudiwiru, oku gha kara Kristusi no gha hungumana kurudyo rwaNyambi.

Thiraro thi gha tapire Kristusi, tha kona kunegha yiparitha yenu. Nyambi gha mwitha kare eshi, mu kare yipo yoyirama yofotji mukupara pofotji muthiraro. Mu tumerange roruhe.

Yodigho, mwa kona kupagha yinu yopamuve eyi yidi mumwenu, yira rungu, kupira ghukushuki, didovo dyodimango, yirumbera yoyimango, noghunu yira hanyambi hombango.

Yoyishi mwa fire, no moyo wenu wapwa kundeka pofotji naKristusi mwaNyambi.

Ene mwa kona kuthigha yinu yoyiheya yi pashadyarero yira: ghughandhi, thidhimbo nomatuka. Dishanga dyodishawana ne dya kara mutunwa twenu

no mwa kwangera. Amwe ne mwa thigha yikaritha yawatukuru, ho muna kupara pan̂anyi‐n̂anyi mumoyo wamunu ghomupya. Oyu gha kutendurura shime kuthishwi thaMuvareki wendi no kate kughudimuka ghoghuyara waNyambi.

Mwarume namwe, mwa kona kuhaka hakamadi wena no mwa wa rwera difupa.

Amwe mwana, mu kare noghutumanethi kwawawihenu muyinu yoyihe. Yoyishi, dyo gha yihimena kwawanuke wa ha tawa muMwendi.

Mwakamadi, mu kare ghutawedhi kwawatutughuru wenu, thika di ya rikanya kwawanu wa ha tawa mwaFumu.