Popular Bible Verses from 1 Yohannis 4

Share

Kaxanodde gilix miyane, gilix qitscatlih kinamhi sabbatah, laakin yikmile kaxani gilix irolle cida. Gilixati, kaxanodde yikmileh miyane.

Cindha cindhaamo, atin Yallaako kitin, tena lel timlikiinih tanin. Sinadde Yanetii caalamadde yane tiyaako nabamhi sabbatah kinni.

Usuk erherhih ni yikxinemhi sabbatah nanu kixinino.

Yi kaxantoolito, sitta nakxanoo, kaxani Yallaako kinamhi sabbatah, akxininnanti lel Yallaako yoobokeh yane, Yalla lel yaarhige.

Yalli kaxano kinamhi sabbatah, akxinewaati, Yalla maarhago.

Tadde kinni kaxani yanem: nanu Yalla nikxineh nanem maki, laakin usuk ni yikxine. Ishi Barha lel ni zambit hi beezzah fare.

Yi kaxantoolito, Yalli tayidhdha ni yikxinek sarrah, nanu sitta nakxano nolle tane.

Taginah Yallih kaxani noh yimidhdhige: Yalli inki ishi Barha caalamalle fareh yanem, kayyah marno ciloh kinni.

Akkinnanti “Anu Yalla kixiniyo” yerhxemko, ishi sacal lel yincibemko, usuk zirable kinni. Yubleh yane ishi sacal akxine wayemhi sabbatah, Yalla yubleh miyaneya yakxano mirhiica.

Yeesus Yallih Barha kinamah aaliminnanti, Yalli kayyadde usuk lel Yalladde siga.

Nanu kaako lino amri tatiya kinni: Yalla yakxineti ishi sacal yakkeedo yakxanoo.

Yi kaxantoolito, umman ufaye maamanina, laakin Yallaako kinam kee makinam ufaye imirmira. Amayim lel mango zirabti nobowa caalamalle ifaareenih yaniinimhi sabbatah kinni. Taginah lel Yallahi Ufaye taarhigin: umman ufayi Yeesus Masiix nabse yekkeh yemeetem aaliminnaniya, Yallaako kinni.

Laakin umman ufayi Yeesusuh aaliminnexeya, Yallaako maki. Tati lel masiix-didde kin [ufaye] kinni. Too yamaato kinam toobbiinih tinin, kado lel mece geddah caalamalle yane.