Popular Bible Verses from 1 Yohannis 3

Share

Cindha cindhaamo, abitto kee rummah kibah afah hido anrabah akxine waynoo.

Usuk ishi aniina nottah ayyuk tillaabishemhi sabbatah, kaxano lel taginah neerhegeh nane. Nanu lel saculuh aynuk ninni aniina tillaabishno nolle tane.

Yallahi cindham nekkeh decsimnemhi sabbatah, Abba aaginale kaxano noh yoxoyeh yaneya ubula! Kinom kinni lel! Kaa maarhaginnamhi sabbatah, amaydo lel caalam ni mitaarhige.

Zambe lemidde asak yanetii, ibliisko kinni, ibliis erherhko zambe abatiya kinamhi sabbatah kinni. Tayimhi sabab lel Yallahi Barhi yimidhdhigem, ibliis ciyyo dumuso ciloh kinni.

Yallaako yoobokeh anniinnanti, kaa zari kayyadde sigamhi sabbatah zambedde maasa. Yallaako yoobokeh yanemhi sabbatah lel zambe abo mirhiica.

Laakin akkinnanti caalamti iraaro yeellemko, kaa sacal lel gidcat lem macalsiita, ishi qalbe lel yarhuwe, aaginah kinni Yallahi kaxani kayyadde sigo dhiicam?

Kaa amre dhawrhinnanti lel kayyadde siga, usuk lel kayyadde; taginah lel usuk noh yoxoye Ufayeh usuk nottadde sigam naarhige.

Taginah kinni lel Yallahi cindham kee ibliis cindham yamidhdhigiinim. Xaqqe abe waya tiya kee ishi sacal akxinuk anniye waya tiya, Yallaako maki.

Ta “sittiya nakxanoo” tarhxe farto kinni tamaa erherhko toobbiinim.

Saculo, caalam sin tincibemko mibexsiitina.