Popular Bible Verses from Ioan 16

Share

Vã li dzãsh aeasti tra s-u avets pacea tu mini. Tu lumi va s-avets munduiri, ma loats curaiu, cã mini u nichisii lumea!”

Ma, cãndu s-yinã elu, Duhlu a alihiljei, va s-vã ndripteadzã la tutã alihea. Elu nu va s-greascã di-la nãsu, ma va s-greascã atsea tsi va s-avdã sh-va s-vã aspunã atseli tsi va s-yinã.

Pãnã tora voi nu avets cãftatã tsiva tu numa a mea. Cãftats sh-va s-loats, tsi haraua a voastrã s-hibã ntreagã.

Cu-tutã-atsea, mini vã spunã alihea: easti ma ghini trã voi tsi mini s-mi duc, cã, ma s-nu mi duc, nu va s-yinã la voi Diznjirdãtorlu. Macã mini mi duc, mini va lu pitrec. Cãndu s-aibã yinitã, elu va u-cãndãrseascã lumea di amãrtii, di ndriptati sh-di giudicatã.

Ashãtsi-shi voi tora avets amãreatsã, ma mini va s-vã ved nãpoi sh-inima a voastrã va s-hãrseascã, sh-vãrã nu va u ljea haraua a voastrã di la voi. Sh-tu atsea dzuã voi nu va mi ntribats ma di tsiva. Dealihea ma vã dzãc, cã itsido tsi s-lji cãftats a Tatãlui tu numa a mea, elu va vã-u da.

Dealihea, mini ma vã dzãc cã va s-plãndzets sh-va s-vãitats, ma lumea va s-hãrseascã. Voi va s-vã nvirinats ma amãreatsa a voastrã va s-toarnã tu harauã.