Popular Bible Verses from Ioan 14

Share

Pace ma vã alasã, pacea a mea ma vã-u dau. Mini vã-u dau, ma nu cum vã-u da lumea. Inima a voastrã s-nu si s-tulburã sh-nu s-asparã.

Isusul lj-dzãsi: “Mini escu calea, alihea sh-bana. Vãrã nu yini la Tatãl dicãt mash prit mini.

“S-nu s-cutreamburã inima a voastrã. Pistipsits tu Dumnidzã sh-pistipsits tu mini!

ma Diznjirdãtorlu, Duhlu Sãmtu, tsi Tatãl va s-lu pitreac tu numa a mea, elu va s-vã nveatsã itsido sh-va s-vã aducã aminti tuti aesti tsi vã dzãsh.

Cai ari dimãndãrili a meali sh-li veaglji, easti atsel tsi mi va. Cai mi va mini, va hibã vrut di Tatãl a meu, sh-mini va lu voi sh-va mi aspun a lui.”

Mini va lji fac rigeai a Tatãlui sh-elu va vã da un Diznjirdãtor altu, tra s-armãnã di totãna cu voi, Duhlu a Alihiljei, tsi lumea nu poati s-lu ljea, cã nu-l veadi sh-nu-l cunoashti. Ma voi lu cunushtets, cã sta cu voi sh-va hibã tu voi.

Sh-itsido tsi va cãftats tu numa a mea, va-u fac, tsi Tatãl s-multumãreascã di la Hiljilu. Macã va s-cãftats tsiva tu numa a mea, mini va-u fac.

Macã mi vrets, vigljeats dimãndãrili a meali.

Tu casa a Tatãlui a meu ari multi locuri, altã soi va vã dzãtseam. Ma mi duc s-vã ndregu un loc.

Sh-cãndu s-mi duc s-vã ndregu un loc, va s-mi tornu napoi sh-va vã-ljeau ningã mini, tsi aclo iu escu mini s-hits sh-voi.

Toma lj-dzãsi: “Doamne, noi nu shtim iu ti duts. Cum putem s-u shtim calea?”