Popular Bible Verses from Ioan 13

Share

Ma vã dau unã dimãndari noauã: s-vã vrets cu un-alantu! Ashã cum mini vã am vrut, ashã sh-voi s-vã vrets cu un-alantu. Di aestã va vã cunoascã tuts cã hits ucenitsilji a melji, macã avets vreari unu cu-alantu.”

Macã mini, Domnul shi Nvitsãtorlu, vã aspilai cicioarili a voauã sh-voi prindi s-aspilats cicioarili a unui-alantu. Vã-am datã exemplu cã ashã cum vã am faptã mini a voauã, s-fãtsets sh-voi.

Isusul lj-apãndisi: “Atsea tsi ma fac mini, tini tora nu u-shtii, ma va u-aducheshti dupã aestã.”

Dealihea ma vã dzãc, huzmichearlu nu easti ma mari dicãt nicuchirlu a lui, nitsi pitricutlu ma mari dicãt atsel tsi lu ari pitricut.

Tora tsi li shtits aesti lucri, ghinicuvintats va-hits voi, macã va li fãtsets.”

si sculã di la tsinã, bãgã dinãparti stranjili shi lo un pischir, sh-lu lãgã tu mesi anvãrliga di nãsu. Atumtsea turnã apã tu unã vasi sh-ahurhi trã aspilari cicioarili a ucenitsilor, shi s-lã-li ashteargã cu pischiru tsi avea ligat tu mesi.