Popular Bible Verses from Vei Ira Na Kai Roma 3

Share

ni sa valavala ca ko ira kecega na tamata, ka cala mai na ka e vakarokorokotaki kina na Kalou: a ra sa vakadonui walega e na nona loloma e na vuku ni sa volia na bula ko Karisito Jisu

io, na ka sa veivakadonui kina ko na Kalou, a ya sa yaco e na vuku ni vakabauti Jisu Karisito, vei ira kecega, ka me nodra kecega, era sa vakabauta; ni da sa tautauvata kecega

o koya sa lesia ko na Kalou mei bulubulu vei ira sa vakabauta, e na nona dra, me vakatakila na nonai valavala dodonu ni sa tawa cudruva nai valavala ca sa caka oti, e na vuku ni sa vosota ko na Kalou; io, me vakatakila e na gauna o qo na nona yalododonu: me sa dodonu ko koya, ka vakadonui koya sa vakabauti Jisu.

Ni sa sega ni valavala ni vunau ena vakadonui kina e dua na tamata e na matana: ni sai koya na vunau sa kilai kina nai valavala ca.

me vaka na ka sa volai, Sa sega e dua sai valavala dodonu, sa sega sara e dua: sa sega e dua sa kila, sa sega e dua sa vakasaqara na Kalou. Era sa lesu tani kecega, era sa yaco vata me tawa yaga; sa sega e dua sa valavala vinaka, sa sega sara e dua.

O koya keitou sa vakakina ni sa vakadonui na tamata e na vakabauta, ia ka sega ga e na vuku ni valavala ni vunau.

E segai sara: ia me dina ga na Kalou, ka me lasu na tamata kecega; me vaka na ka sa volai, Mo vakadonui ni ko sa vosa, ka gumatua ni ko sa veileti.