Popular Bible Verses from Vei Ira Na Kai Roma 4

Share

a sa sega talega ni yatayata e na tawa-vakabauta na vosa ni yalayala ni Kalou; sa kaukauwa ga na nona vakabauta, a sa vakarokorokotaka kina na Kalou; a sa vakadinata sara, ni sa rawarawa vei koya, me cakava na ka sa yalataka.

(me vaka sa volai, Au sa qisi iko mo tamadra na veivanua e vuqa,) e na matana sa vakabauta ko koya, io, na Kalou, o koya sa vakabulai ira tale na mate, a sa kaciva na veika sa segai me vaka era sa tu

o koya ka soli yani e na vuku ni nodai valavala ca, a sa vakaturi cake tale me da vakadonui kina.

ia ni sa sega nai nuinui, sa vakabauta ko koya, ka vakanuinui, me yaco me tamadra na veivanua e vuqa, me vaka sa tukuni, Ena vakakina na nomu kawa.

E na vuku ni ka o qo sa ka ni vakabauta, me sa rawa kina me ka ni loloma: me tu dei kina na vosa ni yalayala vei ira kecega na kawa; e sega vei koya walega sa tu kina na vunau, ia vei koya talega sa tu kina na vakabauta i Eparaama: o koya sa tamada kecega

Sa kalougata ko ira sa bokoci na nodrai valavala ca, a sa ubi na nodra caka cala: sa kalougata na tamata sa sega ni okata vua ko Jiova nai valavala ca.

ni sa cava e kaya nai Vola? Sa vakabauta na Kalou ko Eparaama, a sa okati vua mei valavala dodonu.