Popular Bible Verses from A Nonai Vola Na Dauvunau 3

Share

SA dui vakagauna na ka kecega, ka sa dui vakasiga na ka kece sa caka e ruku ni lomalagi

sa tiko na siga me sucu kina, kei na siga me mate kina; na siga me ia na teitei, kei na siga me cavuta na ka sa tei; na siga me ia na veivakamatei, kei na siga me ia na veivakabulai; na siga me ia na basu vale, kei na siga me ia na tara vale

na siga ni tagi, kei na siga ni dredre; na siga me ia na yaso, kei na siga me ia na meke; na siga me tala vatu, kei na siga me vakasoqo vatu; na siga me ia na veimokoti, kei na siga me cegu ni veimokoti

na siga mo ia na kadresudresu, kei na siga me ia na culacula; na siga me tiko lo, kei na siga me vosa; na siga me veilomani, kei na siga me veicati; na siga ni valu, kei na siga ni sautu.

na siga me rawai yau, kei na siga me yali nai yau; na siga me manini, kei na siga me dausoli ka

Au sa kila, na ka kece sa cakava na Kalou, ena tu ga ka tawa mudu: ena sega na ka me vakaikuritaki kina, ka sega na ka me kauti tani maikina: ia sa cakava o qori na Kalou, me ra rere na tamata e matana.

Au a kaya e lomaqu, A Kalou ena lewai ira sa yalododonu kei na tamata ca: ni sa tiko na kena gauna maikea ni vakanananu kei na cakacaka kecega.