Popular Bible Verses from A Nonai Vola Na Dauvunau 4

Share

Sa vinaka ni lewe rua ka ca ni lewe dua bauga; ni sa nodrau kina nai voli; vinaka ni nodrau cakacaka. Kevaka sa bale e dua, ena tubera cake na kenai sa: ia ena ca vua sa tiko duadua ni sa bale; ni sa sega e dua tale me tuberi koya cake.

Ia kevaka e dua na tani sa gumatua vua e dua, ke rau lewe rua ke rau na vorata rawa; ia na dali e turai-tolu ena sega ni cavuka rawarawa.

O qo talega, kevaka sa koto vata e lewe rua, erau na katakata: ia ke lewe dua ga, ena katakata vakaevei ko koya?

Sa vinaka ni tawa tu na liga e dua bau ni tu vata kei na vakacegu, ka ca ni tawa tu na liga ruarua ni tu vata kei na oca kei na yalorarawa.

Au a nanuma tale na oca kecega, kei na cakacaka dodonu kecega; ni sai koya o qo sa vuvutaki kina na tamata vua na kai nona. O qo tale na ka walega kei na ocaoca wale.

Sa vinaka na gone sa dravudravua ka vuku, ka ca na tui sa qase ka yalolialia, a sa bese ni vunauci tale