Popular Bible Verses from Yesaya 40

Share

Anu mokendo Dopoweeakono roso ka tumiangio rosono anu nahi pokompelelu.

Luwuno mia mongura gagi tedoa mpopemokendo, luwuno ana ntama kontuwuado ntebangku tetidu, sine mia anu sumisikori Ira i UE mohawe roso wo'ohu: ondae kana rajawali anu meneeako rosono panino; ondae mpelulu ka nahi domegagi molema, ondae mpelempa ka nahi domegagi mokendo.

Nahi uto'orioke, ka nahi urongeoke? Ondae i UE atuu Ue Ala nahina tampulaa-Do anu mokogagio tolino inso i tompano hawe i tompano; Ondae nahi Domokendo ka nahi Domolema, nahi pinokonto'ori pompewowolo-Do.

Hinao suara anu meboo-booli, ”Patindaomo i pada one pesalaa-Do i UE, pokoleoomo a mpada malua sala langkai pesalaa-Do Ue Alato!

Ewo gagi mokari, bunga gagi moleu, sine pau-Do Ue Alato kongko mpiha ranta nahina tampulaano.”

asalakono maramba-Do i UE ta pinokomengkaa ka luwuno mia ira mengkitao mperonga-ronga; mentee ntu'u, Dopauomo i UE.”

Sompo lembono asalakono hinowui, sompo torukuno ka pongku pinokomerete; wita anu mepongku asalakono pinokogagi wita anu merete, wita anu mebanga gagi melembo

Kana asa mia puu pompakambi Dopakambi ira bawaano pinotuwu-Do ka Dopumpuako ira kae-Do; ana bimba Do'awi ira, ineno bimba Dotaate ira.

Po'aroomo matamu i langi ka kitaomo: Isema anu mokogagio luwuno anano wula atuu ka wawa ira luwuno sorodadudo mpeluarako, saru moboio luwuno needo? Hangano Ondae tedoa pabawa ka tedoa moroso, nahina maupo te'asa anu nahi hawe.

Ondaemo anu mo'ia i wawono longkuno tolino anu palilino kana kosume; Ondaemo anu wileo langi kana sawu ka pasao kana kema ka ipino'iangai!

pokorodoomo aroano Yerusale ka pebooliakonomo ndi onae, nine tepe'ataano tompaanomo, nine salano puuliomo, hangano montarimaomo pohuku inso a ngkae-Do i UE meluka mpendua hangano halano.

Hinao suara anu mepau, ”Peboolimo!” Sangkiku, ”Hapake anu asalakono kupebooliako?” ”Luwuno mia kana ewo ka luwuno momoikono kana bunga a mpada. Ewo gagi mokari, bunga gagi moleu, tewala Ondae i UE mepuuriakono penaa-Do. Menteeano tongku atuu kana ewo.

Kitao, Ondae Ue ALA hawe saru roso ka saru kae-Do Dopokomengkaao pabawa-Do. Kitao, ondae anu megagi tambono pe'i'isei-Do kongko saru Ondae, ondae anu hinawe-Do mpelempa i aro-Do.

Tarero iramo, tarero iramo bawaa-Ku, kanandiomo pau-Do Ue Alamu

Isema monsa'uako pelengkaeno uwoi ntahi ka langi isongkaakono otuweno, awu wita isa'uakono ponsa'u, luwuno torukuno itimbaakono neraca, ke luwuno pongku mompake pontimba? Isema anu polio sumongkao Penaa-Do i UE ke moweeako Ira pontiso gagi puu pompatudu-Do? Ndi sema Ondae i UE Dopo'ema patudu ka Dopohawe pompewowolo? Isema anu paguru Ira i UE ka Dopolempao moleoa? Ke isema paguruako Ira ponto'ori ka moweeako Ira pontiso ka Dopoweweu mompake pompewowolo?