Popular Bible Verses from Yesaya 41

Share

siimo doito, hangano Ongkue kumongkomiko, siimo doito, hangano Ongkue andio Ue Alamu; Aku mokorosoko, tendeano Aku tumulungiko; Aku uminiakomu kae ngkoana-Ku anu mowawa ponangia.

Hangano Ongkue, UE, Ue Alamu, uminio kae ngkoanamu ka mepau ndi omue, ”Siimo doito, Ongkuemo anu tumulungiko.”

Menteeano, luwuno mia anu tekuda ndi omue ta pinokoko'ii ka kona mongkoko'iia; mia anu me'ewaio pinaumu ira mengkana nahina ka ira memate

omue anu Ku'alakomo inso i tompano tolino ka anu Kupoboikomo inso a luwuno siuno, Kupauakomu, ”Omue tetenaa-Ku, Kubinikikomo ka Kutarimako”

omue ko'umungke ira mia anu mpe'u'ua saru omue, sine nahi kotepohaweako ira; mia anu mpetea umewaiko ta kana nahina ka mooa.

Siimo doito, hei tolodo Yako, hei ule-ule Isaraeli! Ongkuemo anu tumulungiko, kanandiomo pau-Do i UE, ka anu tumolosiko onaemo Anu Tedoa Mempori, Ue Alado to Isaraeli.

Sine omue, hei Isaraeli, tetenaa-Ku, hei Yako anu bininiki-Ku, inuleno i Burahima anu pinehohawa-Ku

Aku weweu ira korono mpepansari a wawo luwuno pongku anu londa, ka mata uwoi mebula-bulaka a ntongano bangano; Aku weweuo pada one gagi limbo ka weweuo uwoi mombusi-mbusi inso a wita motu'i.

Mia memarasai ka mia memongkokolaro mpo'ungke uwoi, sine nahina, elodo motu'i mokoranga; sine Ongkue, UE, Aku sumangki ira, Ongkue, Ue Alado to Isaraeli, nahi Aku binta ira.

Isemake anu weweuo ka umanggao luwuno atuu anu inso i ndi'ipua moboi ira inule? Ongkue, UE, anu tese'elu, ka saru ondae anu ntelembui; Ongkuemo Ondae.

Aku mompaho keu arasi i pada one, keu akasia, keu muradi ka keu lana; Aku motuwuo keu sanobari a mpada malua ka keu beranga saru keu cemara i horino, ka domengkitao luwuno mia ka mpokonto'orio, menootio ka tumo'orio, nine kae-Do i UE anu weweuo luwuno andio ka Anu Tedoa Mempori, Ue Alado to Isaraeli, anu mokogagio.