Popular Bible Verses from KOLOSE 3

Share

Imemambe sabaramo, ka imemambe ampunimo tewala asa mia monaa-naa aroa a walino, mengkena kana Ondae i Ue Do'ampuni komiumo, imeweweuomo mbo'u kanatuu.

Impewowoloomo mongkona anu i wawono, komba anu i tolino.

Hapamo koa anu wineweumiu, imeweweuomo tompaano aroamiu kana tia-Do i Ue ka komba tiano mia.

Onaemo pu'uno, kana mia bininiki-Do Ue Ala anu mempinokomempori ka pinehohawa-Do, impokonaomo pompehohawa, pe'aroa, pe'urumako, mauru ka sabara.

Po'ineeomo pau-Do i Kerisituu ka ipo'ia saru luwuno kaeano i olomiu, ranta ka imemambe paguru ka mambe patuduako luwuno ponto'ori ka saru mpenaniako po'unde-unde, ka po'unde-unde ka penani rohani, impontarimakasi ndi Ondae Ue Ala i laro aroamiu. Ka luwuakoano anu wineweumiu molalo pau ke mpoweweu, imeweweuomo luwuno atuu a nee-Do Ue Yesu, saru mpontarimakasi hangano Ondae ndi Ondae Ue Ala, Amato.

Ka i wawono luwuno atuu: impokonaomo pompehohawa, gagi powutu anu mompo'asa ka mompokosompo.

Onaemo pu'uno, tewala mewinangu komiu meronga saru Ondae i Kerisituu, ime'ungkeomo mongkona anu i wawono, a mpo'ianga-Do i Kerisituu, mentoro i koana-Do Ue Ala.

Po'ineeomo rodoa inso ndi Ondae i Kerisituu moparenta i laro aroamiu, hangano onaemo atuu ka imempinoboi gagi aasa koroi. Ka impontarimakasimo.

Onaemo pu'uno impepateomo a laro ngkoroimiu luwuakoano anu po'eheno wawontolino, onaemo pebelesua, mokoburua, po'eheno aroa, pinewowolo mosa'o ka medokoli mbo'u anu mengkena saru mompesombai lahumoa

Hangano memate komiumo ka tuwumiu tewuni meronga saru Ondae i Kerisituu ndi Ondae Ue Ala.

Sine kanandio-andio, imentadiomo luwuno andio, onaemo tekuda, bamburu, mosa'oa, momposebe ka pau mokoburu anu meluarako inso a wiwimiu.

Siimo mbo'u imemambe gaupi, hangano imelohuomo mia laanomiu saru peleluno, ka impokonaomo mia wo'ohu anu pinokowo'ohu mpiha ka impohawe ponto'ori anu mentee montonda gambara-Do Anu Mokogagio

Hei luwuno tama, impehohawao beinemiu ka si melambaha ndi onae.

Hei nana'ote, impomperorongeako a mia mota'umiu a luwuakoano, hangano onaemo anu Dopetekosio i Ue.

Hei luwuno beine, impetuundumo a ntamamiu, ba kana'umpe asalakono ndi Ondae i Ue.