Popular Bible Verses from Galasitɔnŋ kiri 6

Share

Yi fa yi firi kilɛn yi i shɔɔrinŋ ma ki tɔnbo kì. Sabu a yibɛɛ yi firi kilɛn yi i shɔɔrinŋ ki tɔnbo kì, yibɛɛ ra ǹʼtɔnɔ ki kila a kila waaci ru.

Niŋ ki ra, a shɔɔrinŋ ma ki so ki ji yi gbɛ waaci wɔ̀ ru, yi shɔɔrinŋ ki ma koŋ bataa tɛ, nka yi ǹʼtɔnpa yi tindaŋ bilinatɔnŋ kiri sun.

Á ye ámaŋ tɛ, á i ámaŋ wɔ shii shi, a niŋ ma, ábɛɛ ra Kirisa wɔ sariya ki rafaa niŋ ɲaan ki tɛ.

Á fa á yɛri fɔni kì, koŋ yɛtan-a Kirinŋ sun kì, a miŋ bilaŋ wɔ̀ firi, miŋ i niŋ daŋ ki tɛri-ra.

Konwɔtiŋ firi ki dintɛ bi ki firi, ntiŋ a bilaŋ tɛri firi tɛ, ninwɔ̀ i beŋ ki i. Nka konwɔtiŋ Ɲiniwɔlinŋ dintɛ bi ki firi, nintiŋ a bilaŋ ki tɛri ǹʼtɛ, ninwɔ̀ i ɲaninkulutɔnbi kɔbali ki i.

Ńʼtindaŋ ni, a ǹʼbɛɛ ja ji pa bi kulinŋ ki bɛɛ ra, Ɲiniwɔlinŋ ki i ábɛɛ wɔ̀ri gbɛ, á ntiŋ bo saa shɔɔrinŋ sun, tɔnsunfili wu. Nka á fɔn tenŋ tenŋ á yɛri cɔye, nwɔma ábɛɛ yɛri kiri fa na ji bi kulinŋ matɔnŋ ni i kì.

A konwɔtiŋ ji a yɛri pari-ra koŋ pyɛ kiri wu, niŋ i faa ntiŋ finŋ tɔri i kì, nintiŋ i a yɛri sunnɛɛn-na. Koŋ fɔn tenŋ tenŋ a tirika ɲaan ki rufɔɔ, a ntiŋ a nagbɛ ŋuŋ kila, ntiŋ a ciirudi niŋ wu, ŋì i kɛɲɛ a yɛri ki tirika ɲaan ki wu, ntiŋ fa a yɛri pyi koŋ tɔri wu kì. Sabu koŋ fɔn tenŋ tenŋ a na tu a yɛri ki ŋununu bi wu.