Popular Bible Verses from Efɛsitɔnŋ kiri 1

Share

Míŋ i ǹʼnafɛ-a tu ŋì ábɛɛ ɲakili kiri rawwulu, nwɔma ŋì ábɛɛ dɔri-i, ŋì i gbɛbilimaŋ wɔ̀ wɔri á tɛ, á i niŋ tɔ, niŋ fa tu ŋì bi shɔɔrinŋ finŋ woo finŋ tɔnŋ wɔri-i awɔ wɔlinŋ kiri tɛ, á i niŋ nafan ki tɔ. Míŋ i ǹʼnafɛ-a sɛbɛ, ńʼtu ŋì sotinbi sinaŋ wɔ̀ wɔri-i yibɛɛ bilinatɔnŋ kiri tɛ, ŋì i kɛɲɛ a yɛri ki wɔ sotinbi ki wu, ábɛɛ i niŋ fa a mwɔbi ki tɔ. Mìŋ sotinbi tenŋ ki baraka ra, Kirinŋ Kirisa ŋmɛni po san-i konkwuu kiri ru, ŋì i ntiŋ sɔɔ a pantɛ kirinpɔlila mani narimaŋ kiri ru. Ntiŋ sɔɔ-ɔ ŋununtinbi jabali kiri bataa ŋununu, miŋ tu masabi kiri fa faan kiri niŋ fa sotinbi kiri. Tɔ woo tɔ i dɔri-ra ka juniɲa ka ru, niŋ fa tɔ woo tɔ a na dɔri juniɲa na wɔ ki ru, Kirisa gbɛ-i niŋ bataa wu sɛbɛ.

Ntiŋ baraka ra, Kirinŋ yibɛɛ ɲaannashi-i juniɲa namɔni ki jɛŋ, nwɔma yibɛɛ i ji wɔlinŋ pɔlibali li i, a ɲaanfɛ. Kirinŋ niŋ gbɛbili-i ninkunŋ awɔ bidintɛbi ki baraka ra, tu afinŋ a na yibɛɛ ji awɔ rakilidaŋ ni i, Yesu Kirisa bira, ŋì i kɛɲɛ a yɛri ki dintɛ bi ki wu.

Yesu Kirisa cunŋ ki kɔnkɔlimaan ki baraka ra, Kirinŋ yibɛɛ ŋunsan-i, ŋì i yibɔɔ bijɛ kiri tu yi tɛ, ŋì i kɛɲɛ awɔ shɔɔrinŋ sinaŋ ki wu.

Yi baraka bi Kirinŋ tɛ, ninwɔ̀ i yibɛɛ Ŋuntiŋ Yesu Kirisa tiŋ ki i. Mìnki shɔɔrinŋ ki fɔn kwuru ma-i yibɛɛ ɲini kiri tɛ Yesu Kirisa baraka ra kirinpɔlila mani narimaŋ kiri ru.