Popular Bible Verses from Galasitɔnŋ kiri 5

Share

Nka Ɲiniwɔlinŋ ki i bi wɔ̀ bo-a koŋ tɔnŋ ki ra, niŋ i bidintɛbi, ciirudibi, ɲaanfɛfili, tɔnsunfili, shɔɔrinŋ, sunmakwulupa, telibi, sawari, niŋ fa yɛri rasɔɔmaanna. Sariya tɔri tenŋ niŋ bi bishi kiri kari-ra kì.

Míŋ a nwɔ̀ bi ábɛɛ tɛ, niŋ i kaa : á tiri, á i kɛɲɛ Ɲiniwɔlinŋ ki dintɛ bi ki wu. A niŋ ma, ábɛɛ ra tiri kɛɲɛ firi ki dintɛ bi jɛ kiri wu kili kì.

Ɲiniwɔlinŋ ki ɲaninkulutɔnbi ki wɔri-i yibɛɛ tɛ, niŋ na, yi tiri kɛɲɛ ǹʼdintɛ bi ki wu.

Sabu nwɔ̀ri i Yesu Kirisa wɔ ri, nini arì firi ki fa arì dintɛ bi jɛ kiri bataa kpinkpi-i suu ki sun.

Firi ki mabi kiri tɔ-i, nini i kari i : nankulunbi, nɔɔkɔnɔbi, ɲaankwunŋ pabalibi, pɛli tanmaanna, baabi, juubi, sɔsɔɔlinŋ, kari, tɛnbi, tɔnkwulu, bomaŋ na bi ri, kɔɔye maŋ na bi kiri, fubalibi kiri, ɲaannajuubi bi kiri, lɔrutɛfɛ bi kiri, wulatinbi bi kiri fa niŋ bishi bi kiri. Míŋ i ábɛɛ racin-a miŋ tu míŋ dali wuru ŋí i ǹʼbi ja ábɛɛ tɛ ɲaan wɔ̀ tɛ, ńʼtu konwɔtiŋ ni niŋ bishi bi kiri ma-a, ńʼtu nini tɔri dantenŋ a Kirinŋ wɔ Masabi ki kila kì.

Ńʼtindaŋ ni, Kirinŋ ábɛɛ dɔri-i tu á tu á yɛrɛtɛ, nka á fa niŋ ji á dintɛ bi ri mamaanna i kì. Á á kaashi ki bidi á tɛ, á i ji ámaŋ tɛ baara matɔnŋ ni i.

Sabu bi wɔ̀ri bidi Ɲiniwɔlinŋ ki tɛ kì, firi ki ɲaniŋ i po-a nini tɛ. Bi wɔ̀ri bidi-i firi ki tɛ, Ɲiniwɔlinŋ ki ɲaniŋ i po-a nini tɛ sɛbɛ kì. Yìrì i arìmaŋ kari-ra, nwɔma ábɛɛ i ǹʼtɛ á i nwɔ̀ ma, ábɛɛ fa so niŋ ma-i kì.

Sabu, sariya ki bataa i kila-a ka wulu kanŋ tenŋ ka ru : « Nʼkaashi ki bidi nʼtɛ miŋ tu nʼyɛrima ki. »

Yi fa ji koŋ nagbɛmaan ni i kì, yi fa yimaŋ tɔnsunpa-ri yi i yimaŋ tɛnbi tan-ni waarinŋ bataa ru kì.

Kirisa yibɛɛ mwu san-i jonbi ki wu, nwɔma yi fa ji joŋ ni i kili kì, niŋ na, á á cɛrukɔli, nwɔma á fa na pwulu de jonbi ki ru kili kì.