Popular Bible Verses from Efɛsitɔnŋ kiri 2

Share

Yibɛɛ i finŋ woo finŋ i, ǹʼbataa i po-a Kirinŋ gbɛ. Yesu Kirisa baraka ra, Kirinŋ yibɔɔ ɲaninkulutɔnbi ki faa-a mabi shɔɔrinŋ ni na, ŋì nini wɔ̀ri gbɛbili-i kabi fɔlɔfɔlɔ, nwɔma yi i na yìrì ma.

Ábɛɛ á mwu-i Kirinŋ wɔ shɔɔrinŋ ki baraka ra áwɔ bilinabi ki bira, niŋ po ábɛɛ yɛrima kiri ru kì, nka Kirinŋ wɔ kafinŋ yɛ. Ábɔɔ mabi tɔri dantenŋ niŋ ma ábɛɛ tɛ kì, nwɔma koŋ tɔri tenŋ fa a yɛri gbɛ kì.

Nka Kirinŋ wɔ bidintɛbi sinaŋ ki baraka ra, ǹʼyɔ sunmakwulupatɔnŋ sinaŋ i. Niŋ ki ra, yibɛɛ wɔ̀ri beeni wuru Kirinŋ ɲaanfɛ yɔɔ bijɛ kiri bira, ŋì yibɛɛ ŋmɛni-i Kirisa fan. Ábɛɛ á mwu-i Kirinŋ wɔ shɔɔrinŋ ki baraka ra.

Yibɛɛ fa Kirisa wɔ tenbi ki baraka ra, Kirinŋ yibɛɛ fa ntiŋ ŋmɛni-i yimaŋ fan, ŋì i yi sɔɔ yimaŋ fan kirinpɔlila mani narimaŋ kiri ru.

Niŋ ki ra, ábɛɛ jɛ ri fa kɛniŋ tɔri ru tiiri kili kì, nka ábɛɛ fa Kirinŋ wɔ konanbi wɔlinŋ ki ji-i, miŋ tu kɛniŋ tenŋ daŋ ni, Kirinŋ wɔ kanindaŋ ni. Ábɛɛ ji-i miŋ tu fu sinaŋ, nwɔ̀ cɛ sɔɔ-ɔ Yesu wɔ cindaŋ kiri fa Kirinŋ wɔ cintɔnŋ kiri sun, Yesu Kirisa yɛrima ki i niŋ fu ki kwɔ jɔnɔ ki i.