Popular Bible Verses from Kɔlɔsitɔnŋ kiri 3

Share

Á ámaŋ wɔ bi kwun á ru, á i ámaŋ wɔ pɔli kiri tu-ri ámaŋ tɛ. A ábɛɛ jɛri ámaŋ na, á ámaŋ wɔ pɔli kiri tu ámaŋ tɛ, miŋ tu Kirisa ábɔɔ kiri tu-i á tɛ ɲaan wɔ̀ tɛ.

Finŋ wɔ̀ri i Kirinŋ gbɛ cuunŋ, á nini bi ki bo á ciiru, á i pwɔkulinŋ sun finŋ kiri bi po san á ciiru.

Ábɛɛ ji baara finŋ woo finŋ ma-a, á niŋ ma á ciiru ki bataa wu, miŋ tu ábɛɛ ra ji ǹʼma-a Ŋuntiŋ ki yɛri ki tɛ, á fa ǹʼji miŋ tu konaŋ ni tɛ baara kì.

Á ǹʼtɔ, tu Kirinŋ ábɛɛ ɲaannashi, á i ji awɔ konanbi wɔlinŋ i, á bi i ji di ǹʼtɛ kusɛbɛ. Niŋ ki ra, ábɛɛ yɛrima kiri ámaŋ sunmakwulupa, á i bi shɔɔrinŋ ma-ni ámaŋ tɛ, á i á sunjɛri ámaŋ tɛ, á i á tɔnsunfili ámaŋ tɛ, á i ámaŋ sunduuduu.

Á ncusun Kirisa wɔ wulu ki i sɔɔmaŋ kila á ciiru, ŋì i ǹʼfaa. Á i ámaŋ kali, á i ámaŋ nacin-ni ɲakilitinbi wulu kiri bataa wu. Á i Kirinŋ gbɛ, á i baraka bi-ri ǹʼtɛ. Á ǹʼwɔ shɔɔrinŋ ki pɔri shu ri ru, nini wɔ̀ri i kila-a Kirinŋ sundɔri shu kiri fa Kirinŋ gbɛ shu kiri ru, niŋ fa shu tɔri ri, Ɲiniwɔlinŋ ki i nini wɔ̀ri wɔri-ra. Ábɛɛ ji bi finŋ woo finŋ ma-a, walima wulu finŋ woo finŋ bi-a, á niŋ bataa ma Yesu Kirisa tɔ ki bira, á i baraka bi Tiŋ Kirinŋ tɛ ntiŋ tɔ ra.

Ŋì i bo ka bataa sun, á ámaŋ bidi ámaŋ tɛ, ninki a ábɔɔ bi kiri bataa kɔli arìmaŋ na, yìrì i nafaa.

A ábɛɛ fa Kirisa ji ŋmɛni ámaŋ fan, á kirinpɔli la finŋ kiri ceeli, Kirisa sɔɔ-ɔ niŋ mani wɔ̀ ru Kirinŋ pantɛ.

Kirisa wɔ ɲaanfɛfili ki á jɛnpa á ciiru bi kiri bataa ra, sabu niŋ ɲaanfɛfili ki bira, ábɛɛ bataa dɔri-i, á i ji firi tenŋ i. Á ji shɔɔrinŋ tɔtiiri i.

Finŋ woo finŋ i ábɔɔ ɲaninkulutɔnbi ki ru, nwɔ̀ i ka pwɔkulinŋ ka sun bi ri i, á niŋ bataa tɔnbo, miŋ tu nankulunbi, nɔɔkɔnɔbi, ciirujuubi, fyikatinbi, ninwɔ̀ fa pɛli tanmaanna i tenŋ i.

Sabu ábɛɛ beeni-i, ábɔɔ ɲaninkulutɔnbi ŋunaŋ ki radumaan yɛ Kirisa ru Kirinŋ gbɛ.

Nka dɔnsaŋ, á niŋ bi kiri bataa tɔnbo, miŋ tu fyintibi ki fa tɔnkwulu ki, niŋ fa juubi ki fa kiilinŋ kiri fa ɲaankwun pabali wulu wɔ̀ri i po-a ábɛɛ daru.

Á fa puru bi ámaŋ tɛ kili kì, sabu ábɛɛ á sɔŋ bwuumaan ki fa a mabi kiri tɔnbo-i kɔ, á i ji sɔŋ ŋunaŋ de á ru. Niŋ ɲaan ki tɛ, ábɛɛ ji-i koŋ ŋunaŋ ni i, yibɛɛ Potɔnŋ Kirinŋ i nwɔ̀ri ji-a ǹʼŋunaŋ ni i jibi woo jibi a sali, nwɔma á i a tɔka shɔ fɛrɛfɛri.

Shuru ri, koŋ fɔn awɔ mari kiri bidi á tɛ, á fa ŋununbi sɔɔ kí sun kì.

Tiraŋ ni, á á jifinŋ kiri wulu pa bi bataa ra, sabu ninki di-i Ŋuntiŋ ki tɛ.

Mari ri, á á kulu á shinŋ kiri tɛ, miŋ tu ǹʼfu-i Ŋuntiŋ ki wɔ saa fan tiri mari kiri ra ɲaan wɔ̀ tɛ.