Popular Bible Verses from Kɔlɔsitɔnŋ kiri 2

Share

Ábɛɛ ji-i Ŋuntiŋ Yesu Kirisa tɛ ɲaan wɔ̀ tɛ, á tiri kɛɲɛ niŋ wu. Á ji Kirisa ra miŋ tu jirinŋ kanaŋ, nwɔ̀ri de-i fwuniŋ nu. A ji miŋ tu fu, nwɔ̀ cɛ sɔɔ Kirisa sun, á i á cɛrukɔli bilinabi ki ru, miŋ tu ábɛɛ kini-i ǹʼna ɲaan wɔ̀ tɛ, niŋ fa áwɔ baraka bi ki i mwɔ Kirinŋ tɛ.

Á á yɛri paka tɔ, nwɔma koŋ fa na á fɔni konanmini wɔ ɲakilitinbi wulu li wu kì. Niŋ ɲakilila ki cɛ sɔɔ-ɔ konanmini wɔ ladaŋ ni, fa juniɲa nu finŋ gbɛ wɔ̀ gbansanŋ ni sun, ǹʼcɛ sɔɔ Kirisa sun kì.

Ábɛɛ beenimaan wuru-i áwɔ bijɛ kiri fa á firi ki sɔɔpeefɛbali ki bira. Nka Kirinŋ ábɛɛ fa Kirisa ŋmɛni-i ámaŋ fan. Ntiŋ i yibɔɔ bijɛ kiri bataa tu yi tɛ. Sɛbɛ tanmaan wɔ̀ wuru kiti ki fɛɛn-na yibɛɛ sun yɔɔ sariya ki limaan kiri bira, Kirisa niŋ ciriki san-i nmaŋ a beŋ ki wu kpinkpisuu ki sun.

Sabu Kirinŋ nafaamaan ki ji-i firi i, Kirisa ru, ŋì i sɔɔ ntiŋ nu. Mìntiŋ i ŋununtinbi kiri fa faantinbi kiri bataa ŋununu, ábɛɛ i finŋ bataa kila-ri, á i pyii ǹʼna á fa mìntiŋ wɔ tenbi ki baraka ra.

Niŋ ki ra, á fa ncusun koŋ i á ji koŋ pɔlimaan ni i, nufinŋ walima mwunufinŋ bira kì. Á dumiŋ fa ncusun koŋ i á ji koŋ pɔlimaan ni i, ɲaannabyɛ kiri fa ɲɛ ŋunaŋ kiri fa Nufaan jibi kiri gbɛbi ki bira kì. Niŋ bi kiri bataa wuru bi na wɔ kiri miniŋ bantenŋ i, nka yìrì sɛlɛsɛli ki i Kirisa.