Popular Bible Verses from JESAJA 42

Share

“Ongame Omuwa nde ku ithana e tandi ku koleke noku ku nkondopaleka, u tale, uuyuuki ngele otau gwanithwa tuu kombanda yevi. Omungoye tandi ka hangana naantu ayehe; mungoye otandi ka minikila iigwana. Oto ka tonatitha omeho gaaposi nokumangulula mboka ya kuutumba momilema moondjedhililo.

“Ongame awike Omuwa, Kalunga koye. Itandi gandja esimano lyandje kugulwe; itandi etha okusimanekwa kwandje ku ye kiimenka.

Omuwa ota ti: “Omupiya gwandje oye nguka, ngoka tandi mu nkondopaleke — Oye tuu ngoka nde mu hogolola, omuntu nde mu hokwa. Onde mu udhitha Ombepo yandje, oye nota ka uthila iigwana ayihe nuuyuuki.

Oshihenguti sha tanduka ite shi nyanyagula nonyeka tayi tsina ite yi dhimi po. Ota ka uthila ayehe pauyuuki. Ita ka tenguka nenge a tyololoke; ota taandelitha uuyuuki kombanda yevi. Oontuntu dhomefuta otadhi tegelele elongo lye.”

“Otandi ka enditha aaposi moondjila inaaye enda mo nale. Omilema dhawo otandi dhi shitukitha uuyelele, nevi lyiisilukutumba otandi li ya yelekanithile. Ngaka ogo omauvaneko gandje, notandi ga tsakanitha pwaa na ekandakando.

Iinima nda hunganekithile nale, oya ningi yoshili. Ngashingeyi otii mu lombwele iinima iipeepeka, tandi shi ningi nokuli, manga inaayi ningwa.”