Popular Bible Verses from JESAJA 43

Share

Taleni nawa iinima iipe opo tandi ke yi ninga. Otayi ningwa nokuli ngashingeyi — otamu vulu oku yi tala nena! Otandi kokola ondjila momakuti e tandi tondokitha omeya mombuga.

Ngele to pitile momeya, ondi li pungoye, nongele ku na omilonga dhomeya, itadhi ku ninginitha. Ngele to pitile momulilo, ito lunguna po, nomalaka gomulilo itage ku fike.

Ihe Omuwa ota ti: “Inamu dhama miiningwanima yonale, inamu kakatela mumbyoka ya ningilwe nalenale ndjo.

Omuwa ngoka e ku shiti, Jakob, oye tuu ngoka e ku umbu, Israel, ota ti: “Ino tila, oshoka onde ku kulila, onde ku ithana edhina lyoye, ongoye ogwandje.

Molwashoka ou na ondilo momeho gandje, molwashoka owa simana nondi ku hole, otandi gandja aantu peha lyoye, yalwe ya ye pehala lyomwenyo gwoye.

Oshoka ongame Omuwa, Kalunga koye, Kalunga kaIsrael omuyapuki, tandi ku hupitha. Otandi gandja Egipiti iikulila yoye, Etiopia naSeba opeha lyoye.

Ino tila — ondi li pamwe nangoye! “Oluvalo lwoye otandi ke lu kongolola kokule kuuzilo notandi ke lu tala ko kuuninginino e tandi lu eta kegumbo.

Ihe natango tuu, ongame, eeno, ongame Kalunga tandi dhimi po omayonagulo goye omolwandje mwene, noondjo dhoye itandi dhi dhimbulukwa we.

“Aaisraeli, one oonzapo dhandje; aantu yandje nde mu hogolola, opo mu tseye ndje ne mu itaale ndje nokuuva ko kutya ongame. Kaku na Kalunga a li ndje komeho, nokaku na ta ka landula ndje.

“Ongame, ongame Omuwa, kaku na omuhupithi gulwe, ongame awike.

Ongame Kalunga nosho te kala aluheluhe. Kaku na ngoka ta hunuka miikaha yandje; kaku na ngoka ta lundulula shoka tandi ningi.”

Niithitukuti otayi ka simaneka ndje; oombandje noompo otadhi ka hambelela ndje, uuna tandi tondokitha omeya mombuga, ndi gandje omeya kaantu yandje aahogololwa. Oyo aantu mboka ndi ishitile ngame mwene, oyo notaa ka imbila ndje omahambelelo.”

Otii ka lombwela uumbangalantu u ya ethe ye ye, nuumbugantu u ya galule ye ye. Etheni aamwandjemati ye ye taa zi kokule, naamwandjekadhona taa zi kooha dhuuyuni. Oyo mboka ya lukilwa edhina lyandje, oomboka nda shitile esimano lyandje.”

Konalenale Omuwa okwa ningile ondjila ye ende mefuta, epola lye enda mokati komeya ga pindjala. Okwe enditha etangakwiita enankondo sigo omehanagulo, etanga lyomatembakwiita nuukambe. Vwangu, oyo mbeyaka ya ningina, eeno, inaa anduka ko we; oya dhimi ya fa elapi lyolamba!

Ongame Omuwa Kalunga keni omuyapuki. Ongame nde ku shiti, Israel, ngame omukwaniilwa gwoye.”