Popular Bible Verses from JESAJA 41

Share

Ino tila — ongame ndi li pungoye! Ongame Kalunga koye — ino limbililwa! Otandi ku kankameke e tandi ku kwatha; otandi ku gamene notandi ku hupitha.

Oshoka ongame Omuwa Kalunga koye; otandi ku tsu omukumo te ti: ‘Ino tila; otandi ku kwatha.’ ”

“Ayehe mboka taa tsu ondumbo nangoye, otaa sithwa ohoni e taa sindika. Ayehe taye ku kondjitha, otaa ka sa po.

ngame onde ku kongolola kooha dhuuyuni; onde ku ithana ko koombinga dhokokulekule, nonde ku lombwele nda ti: ‘Ngoye omuntu gwandje.’ Inandi ku ekelahi nando, ihe onde ku hogolola.

Ayehe mboka ya li aatondi yoye, ito ke ya mona we, nando u ya konge. Ayehe mboka ye ku hingile iita, otaa ka pepuka po thilu.

Omuwa ota popi ta ti: “Ino tila, ezinyo ngoye Israel, nangoye Jakob, okanima okashuushuu, oshoka ongame mwene tandi ku kwatha. Ngame Omuyapuki, Kalunga kaIsrael ongame tandi ku hupitha.

“Ihe omuntu gwandje Israel, ngoye Jakob, ngoka nde ku hogolola, ngoye oluvalo lwakuume kandje Abraham

Otandi ka tondokitha omilonga miikulundundu yomamanya, noothithiya otadhi ka kunguluka momasilu. Ombuga otandi yi shitukitha omatope gomeya, nevi lya kalanda tandi li shitukitha omadhiya.

Uuna aantu yandje moluhepo lwawo taa kongo omeya, uuna oondaathelo dhawo dha kangala kenota, nena ngame Omuwa otandi ka yamukula omagalikano gawo; ngame, Kalunga kaIsrael, itandi ke ya etha nando.

Olye ngoka e shi longa nokwe shi toto? Olye u utha olweendo lwehistoli? Ngame, Omuwa, onda li petamekolela, ngame, Omuwa, otandi ka kala pehulilolela.

Mombuga otandi ka tsika mo omisedeli, omithiya, omihombo nomiolivi. Oontale otadhi ka shituka omakuti gomikiperesi, omipopeli nomihongo. Aantu otaye ke shi mona notaa ka tseya kutya ngame Omuwa onde shi ningi. Otaa ka uva ko kutya Omuyapuki, Kalunga kaIsrael oye e shi eta po.