Popular Bible Verses from JESAJA 40

Share

Oye ta tsu omukumo oonakuvulwa naamboka yaa na oonkondo, oonkondo dhawo ote dhi indjipaleke odhindji.

Aagundjuka ohaa vulwa nohaa adhika kuutongwe, aalumentu aagundjuka otaa punduka e taa ihata po, ihe mboka taa inekele Omuwa, ohaa mono oonkondo oompe. Oya fa oontsa tadhi yelutha omawawa pombanda; ohaa matuka yo itaa vulwa; otaye ende noitaa loloka.

Ku shi shi nani? Nani ino shi uva kutya Omuwa oye Kalunga kaaluhe? Oye a shiti omakankameno gevi. Oye iha vulwa ye iha loloka. Owino ye oya nyengana okutseyika.

Ewi tali kolomoka tali ti: “Longekidhileni Omuwa ondjila mombuga! Paleleni Kalunga ketu epola montale!

Eeno, omwiidhi otagu kukuta, noongala otadhi ganya, ihe oohapu dhaKalunga ketu otadhi kala sigo aluhe.”

Eadhimo lyOmuwa otali iholola: naana yaantu otaye ke li mona ko. Omuwa oye mwene e shi uvaneke.”

Omasilu agehe naga filwe po; oondundu adhihe nadhi kumunwe po. Iikulundundu nayi palwe, niisilukutumba nayi yelekanithwe.

ongomusita ta litha oshigunda she; oonzigona ote dhi gongele pamwe noku dhi humbata momaako ge; oonyali ote dhi sisidha nawa.

Tala owala utale kegulu! Olye a shiti oonyothi ndhoka wa tala? Oye ngoka te dhi enditha dha fa etangakwiita. Adhihe okwe dhi tseya nawa, nokehe yimwe ote yi tumbula kedhina lyayo! Oonkondo dhe oonenenene, odha kolelela nokape na ndjoka e yi hunutha po.

Owa shitwa kungoka a kuutumba koshipangelapundi mookathele mwi handiyaka yeyalelo; aantu kombanda yevi oya fa uudhidhi. Egulu ote li yala lya fa onguwo, ote li alele ngetsali lyokukala mo.

Aajerusalem ya tseni omukumo. Ya lombweleni kutya ehepeko lyawo olya hulu, noondjo dhawo ngashingeyi odha dhimwa po. Onde ya geele egeelo lya gwana molwoondjo dhawo.”

Ewi olya ti: “Uvitha!” Onda pula nda ti: “Nandi uvithe shike?” “Uvitha to ti: Aantu ayehe oya fa omwiidhi; nesimano lyawo olya fa oongala dhokelundu. Omwiidhi otagu kukuta, noongala otadhi ganya, uuna Omuwa te dhi pepithile ombepo. Aantu kaa vulathane nomwiidhi.

Omuwa Omupangeliawike ote ya okulela, oye omunankondoawike. Ote etelele aantu mboka a mangulula

Kalunga ketu ota ti: “Hekelekeni, hekelekeni aantu yandje.

Oku na tuu ngoka ta vulu okuyeleka efuta neshambekela, nenge a yeleke eyalelo nolundya lwe? Oku na tuu ngoka ta pungula ontsi yevi montungwa, nenge a vihe oondundu niikulundundu moshiviha? Oku na tuu ngoka ta vulu okulombwela Omuwa shoka e na okuninga? Olye ta vulu oku mu longa, nenge e mu pe omayele? Kalunga ota pula oondunge kulye, opo a tseye ye uve ko nokwiilonga kutya iinima ohayi ningwa ngiini?