Popular Bible Verses from 1 Dioni 4

Share

Go peapare Godeme nee pu giliandare gore neeme paalame na-komele. Ora pu ale eimiri paala pi einu ralu dia. Go einare ali mendame paalame komeleandare nipu rupara pu ada au na-wia. Akepeare paalame kome auri rendaa pi ei meape ei rapu runaya.

Ora nina enge nongo nakinuo, nimiri Godena ei go einare payapo angele leme alinu ambala rambuame. Go Sipiridi nimi para pia eimi mo suna alinu para pia Sipiridi ma-lombae paya.

Naame pu aloaema eina reere Godeme naa ambala pu gisayanda pema.

Ora na yangonu naame amenu para ora pu alaminya. Pu ada auri Gode repara ipula. Alimi pu ada au piliandare nipuri Godena si alia pange Gode kone wia.

Alimi ame para pu na-adeare nipumi Gode para kone na-wia. Gode nipuri pu ada eina ora ree aya.

Pu ada auri gupa dia. Naame Gode para pu na-adema. Pu ada auri gupa. Godeme naa para yarame komala ara nipuna Naki suna rapaisaya. Go pisaya eiri naana koae koae einu randepeainya pisaya.

O ora na yangonuo, go auri Godeme naa para pu gea. Go eina naame pange naana amenu para pu alaminya.

Gode nipuna Naki ora komea aisayapare go suna epenaya rapaisaya. Gupisaya eimi su wenaali naame endoaya ei ora meamonoya pisaya Godeme pu gisaya eiri naame kone wima.

Go einare ali mendame lalore, Nina pu kone raayo Gode para aloma ayo deapare nipuna yangosinu menda para nipuna pumi koae kone suma rono pangoaliandare go aliri pereke pereke ali aya. Ali mendame ora pakama Gode andape-na-ya. Ali mendame nipuna yangosi leeme andomayapare pu aloma yarame na-komeleandare gore go alimi Gode lee para pange na-ande aliri nipumi pu akipuma adeayapae.

Go eina ali mendame lalore, Yesuri Godena Naki, loma nipuna angaame deandare go ali nipu rapu Gode ora raminyeke pa aya. Gupuma mo ali Gode rapu aya.

Yesumi naa para gea rudule angelere go ei. Gode repara pu aloaya alimiri nipuna ame para pange pu adea.

Ora na andamio, payapo angele loma alinu andapu su raayo para pamualeme. Go eina ali raayona angele kone na-rulalepape. Nimumi lalore, Ni Yaakopi Sipiridi pia deme. Nimuna Sipiridiri ora Gode para epea palo la andalepape. Nimimi ora kone wilimi, Godena Sipiridi siambae alinumiri gupi deme. Yesu Kerisore ora Ali ipisaya deme go alinuri gore Godena Sipiridi siamba-aeme.

Yesuri ali leale go suna epaya pinda na-dea ali nipuri Godena Sipiridi nipu rupara na-pia. Nipuna rupara pia remore ande Yesu Kerisona yanda runguli remo. Go remore ora epelea angele pangame lee eiri ambiare ora penameyao ipuma pange go suna go epa aya.