Popular Bible Verses from 1 Dioni 3

Share

Ora nina nongo nakisinuo, naana amesinu menda para angeleme komea ora yarayoae angele naana angaame pakama na-laminya ora dia. Naana pu raayome yarame waru komala ara nimu para epe rupa pupudenginu pange ora epe rupa pala paminya.

Naana Reali Yesumi pange nipuna endoaya ei kone ambala na-wi nipuna pumi naa para yarame ambala komoma na-rambamulame go suna ipisaya. Go eiri ora pu ada ei. Go au ora pisayandare gore naame pange Yesumi go walea aunu pula ara naana suna dona endoaema einu para kone ambe na-wi naana yangosinu yarame komala ara rambamulame kone ara ririna ambala siaminya.

Gode naa repara pu gea eiri kone sialepape. Nipumi naa repara pu gea eiri ora andaaiyalo arare naare nipuna naki nongonu lea. Go eiri ora lea. Go einayandare go suna alinumiri naa kone na-wimi. Akepeare go suna aeme alinumiri Gode kone ora na-wimi.

Ambaisena Sadanimi koae au pisaya. Go eina alimi koae au puaeme. Go aliri Sadanina ei. Godena Nakiri ambala ririna penameyao ipisaya. Nipu ipisaya eiri Sadanina pupudengi nisaya ei ma-lakepe rumbepe pu ma-koyaluame ipisaya.

Go einare ali menda api nipuri Godena naki deandare nipumi koae aunu pa na-pa eiri pualia. Nipumi koae aunu na-pea eiri Godena endoaya ei nipu para pianda nipumi koae aunu na-puaya. Godere nipuna Apayandare nipumi koae aunu pa na-pa eiri pualia.

Go peandare ali mendame go suna alenu waru andapu wi ali aliandare gore nipumi mo olemole menda na-wi narali ali menda aliandare mo olemole alenda alenda waru wi alimi mo narali ali para alenda menda na-adeandare nipumi Gode repara pu aloayo piri akepeanda deayapae.

Go einare ali menda apimi Godena angele pangoma siamba ara piliandare go aliri Gode rapu aya. Gupuma Gode pange mo ali rapu epa ao-aya. Gupuma Godeme naa para Epe Yaakopi Sipiridi ora ambala gea. Go Epe Yaakopi Sipiridimiri gurupa wada Godere naa rapu mendaa para raminyeke puma aya.

Go einu raayore naame kone ora wima ali menda api ora Godena naki aya pange ali menda apimi Sadanina ei aya go eiri naame ora andoma kone wima. Gurupa kone wima ali mendame ora epe aunu na-piliandare gore go ali nipuri Godena naki ora dia. Gurupa pange ali menda apimi nipuna amesinu para nipuna pumi yarame na-komeleandare go ali pange ora Godena naki dia.

Nimiri ambalande angelere gurupa pangamende. Naame naana yangosinu para naana pumi yarame waru komoalepape angele pangama.

Ora nina amenuo, go suna aeme alinumi nimi para yanda dimindare nimimi rungula mealo na-pambalepape.