Popular Bible Verses from 1 Dioni 2

Share

Nimimi go suna aunu puaeme einu para nimina pu kone raayo go para na-sialepape pange suna olemolenu para pange nimina pumi kone andapu na-sialepape. Go peapare ali mendame suna aunu repara nipuna pumi kone ora sualiandare gore go ali nipumiri Apa Gode repara pu na-alia. Go su alina rana pea aunuri naame kone wima. Go aunuri go einu. Wenaalimi andoma wee pambademe alenu pange go suna alenu repara wenaalimi ako lambi diame aunu raayo Apa Gode repara ipula aunu diama. Go einu raayo go suna aunu.

Go su pange go su rupara wia alenu wenaalimi wee pambademe alenu raayosi peredea. Go peapare Godena rana pia ei pilia repaare pa ao-alimi.

Mendame lalo, Niri Gode rapu raminyeke puma ayo, deandare gore go da ali nipuri Yesu Keriso pamisaya rupa ao-padia.

Nina enge nongo nakinuo, nimimi koae koae aunu pilimiyandare neme nimi repara wape pi. Go peapare mendame koae aunu menda piliandare gore naa Rambameape Aliri gore Apa Gode rapu ao-aya. Go aliri Yesu Keriso, ande rendepona pamuaya ali.

Go eina ali mendame lalore, Godere ni kone waru wi deapare gole nipuri Godena angeleme rudule angelenuri ora rendepona pangoma pi ali na-ae pakama angaa kambulumi deandare go aliri nipuna pu pange nipuna angaa kambulu nipuna gole makirada ali aya. Go pea eimi nipuna pu para Godena endoae ora epe angele na-pia.

Go pea eina naame Godena angeleme rudule angelenu waru pangoma pilimandare gore naame Gode kone ora waru suaema, kone wilima.

Go peapare ali mendame lalore, Niri mo paa pi ei rupara ayo, loma deapare nipumi nipuna amesinu para nipuna pumi rono pangala ara deandare gore go aliri koae rimbale ei rupara ora pa aya.

Go yayapi angele dapeya aliri apiyapae. Go angele da pea aliri gupi alimi dea. Yesuri Godena Naki na-aya, loma gupi angele da alimiri yayapi angele dea. Go ali nipuri Apa Gode pange Si Yesu pange ora gipia loma aya alimi go deandare nipuri Yesu para yanda runguli ali aya.

Ali apimi Yesu Godena Si para giada ara kou wadeandare gore Apa Gode para pange kou waloma giada. Go pimipare ali menda apimi Si para kone rulaliandare gore Apa para pange nipuna pumi kone rulada.