Popular Bible Verses from Efɛɛzi Siè 6

Share

Ɓɛ̀ den yí ɓɛ́ nìnbirìe ɛ́ ké dàa ɛ́ hɔ̀ hĩɛ̀ ɛ̀ tɛ́ wɛ̀. Kɛ́ ɓɛ́ lɛ ɛ́ ké dàa ɛ́ hɔ̀ hĩɛ̀ ɛ̀ tɛ́ ɛ́ iè ɓɛ̀ bɛ́zɛ̀ɓɛ̀ pànkɛ́-bɛ̃hɛ̃ ɓàasiè lɛ wi le pinpinù hũn, àá lépe dímíɲɛ́ sɔ lɛ síbínú pànkɛ́ ɓàasiè àá ɓɛ́ ńɲikĩ́nìɛ àá ɓɛ́ ɲunhɛ̃siè lɛ wi hɔ hóohũn.

Ɛ́ bòo míkùi hũn, ɛ́ mí wóo hɛ̃un Dɔfĩn fúu kɛ̀a bòo lɛ ɛ́ lépe Mɛkɛ̃n-Sãanu ɛ́ dàa dú mí híɛhɔ́, ɛ̀ mì ɛ̀ piɛní mí yìe pehɔ̀ hũn àá kuò cánlɔ́ ɛ̀ mì wóo hɛ̃un Dɔfĩn ɛ̀ lɛ́ hɔ́pe Dɔfĩn nìɛ ɓɛ́kùi ǹ.

Ɛ́ mí khui hɔ hĩɛ̀ tĩ̀ɛ lɛ ɛ́ Dɔfĩn ɛ́ lɛ́ miɛ míkùi ɛ̀ zɔ bòo lɛ ɛ́ wé ɛ̀ mì dàá dàń ɔ́ Sitũanɛ hɛ́cín-bòo híɛhɔ́ ɛ̀ sĩ́.

Ɛ́ sí iè hɔ̀pe ɛ́ mí dàa khui hɔ Dɔfĩn hĩɛ̀ tĩɛ̀ míkùi ɛ̀ dàá nin ɛ̀ dàá pɛ mite, bòo lɛ ɛ́ wé kɛ́ lé sí kùanù ɛ́ ɓen van ɓɛrɛ, ɛ̀ mì dàá dań sĩ́ɓán àá ɔ́pe mì ńbíyanle; kɛ́ mí ɓen san hɔ sɛrɔ́ vɔ́, ɛ̀ mì dàń ɛ̀ fɛ́sí dìń sãàní.

Ɛ̀ pɛ̃̀hṹ míkùi hũn, ɛ̀ mì lɛ́ nɛ mi ńdɛsĩ̀nlɔ́ ɛ̀ wé lé hɛ̃nlɔ́ pĩ̀inù lɛ ɛ́ mí zɛ̃nkɛa nin mì núnú hũn ɛ́ dàa pan mìte ǹ, lèpe lɛ ɛ́ temu mii lɛ́ ɛ̀ mì dàá wóo dàń ɔ́ Sitũanɛ dṹn hĩɛ̀ lɛ á ɛ́ taa àá miɛ ɛ̀ ɓé. Mì lɛ́ nɛ le fuerɛ̀ lɛ ɛ́ mí yú ɛ́ temu wé mí kɔ̃́nlé lɛ ɛ́ mí yìe, ɛ̀ lè Dɔfĩn bienù ɛ̀ temu wé lé khɛ̃́n-tɔ́nú lɛ ɛ́ lé Mɛkɛ̃n-Sãanu ɛ́ lɛ́ miɛ ǹ nɛ mi dàá sɛ.

Ɛ́ mí wo fɛ́sí dìń sãàní: Mì lɛ́ nɛ hɔ bɔ̀berà ɛ̀ temu wé mí khìrí lɛ ɛ́ mí can mì kuò hũn, ɛ̀ hɔ̀ cã̀anírɔ́ ɛ̀ temu wé mí hɛ̃nlɔ́ pɔ̀nkɔ̀rɔ́ lɛ ɛ́ mí zɔn. Ɛ̀ mì lɛ́ nɛ mi kuò cánlɔ́ lè hũn-wiɛ̀ Bentĩnu buierɔ́ hũn ɛ́ temu wé mí naahĩ́ lɛ ɛ́ mí koo mí laahĩ́ ǹ.

Ɛ́ kɛ̀a sáalɛ, ɛ́ mí lɛ́ nɛ mi pànkɛ́ ɛ̀ wé mí ńcɛɓánlɔ́ àá ɔ́ Ɲunsɔ hũn, piè pànkɛ́ bɔ̀bɛhɔ́ hũn.

«Mɛ̀ndɛ̃ mì yàá àá mì nín» sí iè hɔ̀ Dɔfĩn hán ɲunù tɛmu lɛ ɛ́ Hɔ́ lɛ́ mí ɲunù ɛ́ páa lɔ̀n ɛ́ nɛ: «Bòo lɛ ɛ́ wé ɛ̀ kɔ̀ ɲún ɛ̀ tĩìní ɛ̀ kɔ̀ mɛkɛ̃nì ɛ̀ lò tóoní lé sṹsùnù.»

Mìpe zĩncã́ahɛ̃, mì wóo ɲí mì tenliè bòo kɛ̀a bòo lɛ á Ɲunsɔ ɛ́ wɛ, iè hɔ̀ lɛ ɛ́ hɔ́ iè bòo lɛ ɛ́ cã̀aní.