Popular Bible Verses from Efɛɛzi Siè 5

Share

Mí iè Dɔfĩn nìɛ lɛ ɛ́ hɔ́ wɛ, ɛ́ mí pĩ̀iní míte ɛ̀ mì dìń kɛ̀a hɔpe Dɔfĩn. Ɛ́ mí wóo wé mí bòo míkùi àá wanminu kɛ̀a bòo lɛ á Kirisa ɛ́ wɛniɛ kie á dàa lɛ́ mí mɛkɛ̃nì kè bòo hũn ɛ́ wɔ́ àá miyiɛ́ ɛ́ lɛ́ Dɔfĩn, lèpe miyiɛ́ lɛ ɛ́ dɛ̃̀ kɛ̀a ie hɔ yurɔ́ lɛ tũnù ɛ́ tĩ.

Ɛ́ mí ɓɛ́ɓɛ́ míte ǹ àá mí tedàarɔ́. Mì bí wóo dàá míte kɛ̀a ie bɛ̃́nbṹa, kɛ́ mí wóo dàá míte kɛ̀a ie bɔ̀dũmunù ɓàasiè. Ɛ́ mí wo bí khe hɔ bɔ̀tente wénlɔ́ ǹ hɔ̀ wihĩ́ míkùi hũn wɛ̀; iè hɔ̀ lɛ ɛ́ lépe zooni pɛ̃̀hṹ lɛ ɛ́ den yí pɛ̃̀hṹ lɛ sãa wɛ̀.

Ɛ́ mí bí wóo tì àá ɲɛmù wɛ̀; hɔ̀ wóò ɓen àá hɔ́ yìrá bòo wénlɔ́. Kɛ́ mí den wóo tí àá Mɛkɛ̃n-Sãanu. Mì wóo hĩ̀iníkɛ ɓán tĩɛ̀ àá Dɔfĩn lehĩ́ àá pehɔ̀ yánbéhĩ́ àá pehɔ̀ khóoníkɛlán báasíe lɛ lépe Mɛkɛ̃n-Sãanu ɛ́ te wóò lɛ́, ɛ̀ mì bé hɔ́ yánbéhĩ́ àá mí ɲúuhɛ̃ míkùi ɛ̀ dàá ɓàaní-ɛ Ɲunsɔ ǹ àá mí tĩɛ̀ míkùi. Mì wóo dé hɔ́ Dɔfĩn bɛrikɛ àá sítĩnlɔ́ bòo míkùi hũn kè Ɲunsɔ Yiezu Kirisa yèrè lɔ̀n.

Ɛ́ sí iè hɔ̀pe ɛ́ mí dàa bí wé ɓɛ́ nìnbirìe lɛ bɔ̀dũmunù mí, kɛ́ mí dũń ɔ́ Ɲunsɔ bòo lɛ á ɛ́ cɛ̀ nɛ mi wé.

Ɛ̀ mìpe báa, mì wɛní mì hã́a kɛ̀a bòo lɛ á Kirisa ɛ́ dàa wɛniɛ lè Dɔfĩn zũnù ɛ́ lɛ́ mí mɛkɛ̃nì pelè bòo hũn.

Hṹn àá híɛhɔ́ ɛ̀ mì ɛ́ wi hɔ síbínú hũn; kɛ́ kɛ̀a sáalɛ ɛ́ mí ńcɛɓánlɔ́ àá ɔ́ Ɲunsɔ ɛ́ lɛ́ mí wi hɔ ńpiemu hũn. Ɛ́ mí wo wóo dàá míte kɛ̀a ie ńpiemu nìɛ.

Mì wóo ɲí ɓán bòo ɔ̀ Kirisa lɛ ɛ́ mí ɛ́ mɛ̀ndɛ̃ bòo hũn.

Mìpe hã́a, mì wóo ɲí mì báa bòo kɛ̀a bòo lɛ ɛ́ mí dàa wóo ɲí-ɛ Ɲunsɔ bòo.

Kɛ́ hɔ́ lò ɓiɛ̀ iè mìpe ɛ́ ɓɛ́ bĩniɛ nɛ̀: nɛ hɔ́rɔ ɛ̀ wóo wɛní ɓá hṹnu kɛ̀a bòo lɛ á dàa wɛ mi kùrú sɛ̃́hṹ, à hṹnu ɛ̀ ɓiɛ̀ wóo mɛndɛ̃ ɓá bɛ́rɔ.

Ɛ́ hɔ́ den ɛ́ wɛ̃́ lé Dɔfĩn bienù vɛ̃hṹ hũn ɛ́ nɛ: «Ɛ́ sí iè hɔ̀pe á bɛ́rɔ ɛ́ dàa ɛ́ wóo ɓén fùansí ɓá yàá àá ɓá nín à khíi cɛɓán àá ɓá hṹnu ɛ́ ɓɛ́pe ɓɛ́ ɲuunáa ɛ́ wo ɛ́ wé tɛkɛ-cóoní.»

Hɔ̀ bòo lɛ ɛ́ wóò zɔ wé hɔ́ síbínú hũn ɛ́ yáà lɛ́ bɔ̀tente dɔ̀ wɛ̀. Ɛ́ mí bí wóo zɔ dé míte yán wɛ̀; kɛ́ mí den wóo zɛ̃́ní kɛ́ hɔ́ yí sãa ɛ̀ mì pĩ́ pehɔ̀ bòo.