Popular Bible Verses from Filiipu Siè 1

Share

Ń dũ sãàniɛ kɛ́ Dɔfĩn lɛ ɛ́ te hɔpe tɔn-sãanù sɔ sí fìi ɛ́ ɓɛ́ mí tĩ́ihṹ ɛ́ ɓén lɛ́ ɛ́ mí ɛ́ tɛ́ hɔ́ fúu ɛ́ vɛ dɛ̃ pehɔ̀ vénlén kè Ɲunsɔ Yiezu Kirisa khũ̀á ɓenlɔ́ zɔn.

Ɛ́ lɛ iè hɔ̀ bòo lɛ ɛ́ ń wóò hɛ̃un Dɔfĩn nɛ Hɔ wé ɛ̀ lɛ́ miɛ ǹ: ń wóò hɛ̃un nɛ Hɔ lɛ́ ɛ̀ mì wanminu ɛ̀ ɓàaní ɓàanírɔ́, ɛ̀ lèpe wanminu sɔ ɛ̀ lɛ́ ɛ̀ mì yí hɔ́ bɔ̀dũmunù, ɛ̀ wóò dũń hɔ́ bòo ɛ̀ ciiní, bòo lɛ ɛ́ wé ɛ̀ mì dàá wóo dũń hɔ́ bɔ̀tente ɛ̀ wiekɛ. Ɛ́ kɛ̀amu, á Kirisa khũ̀á ɓenlɔ́ zɔn, ɛ́ mí wo ɛ́ wé nìɛ lɛ ɛ́ ce, nìɛ lɛ ɛ́ ńwekhemù dɔ̀ ɛ́ mí nin wɛ̀.

Iè hɔ̀ lɛ ɛ́ ńpe niǹ viì à Kirisa ɛ́ temu iè niǹ mɛkɛ̃nì, ɛ́ kɛ́ ń yɛ̀rɛ́ hṹn húrun, ɛ̀ ǹ pɛ́ yú.

Pɛ̃̀hṹ íe pɛ̃̀hṹ kɛ́ ń ɓen ɛ́ mì bòo ɛ̀ nùún, ɛ̀ ǹ wóò dé Dɔfĩn bɛrikɛ.

Kɛ́ hɔ́ lɛ bòo hie, mì wóo dàá míte ɛ̀ ɓáaníɓán àá ɔ́ Kirisa Bentĩnu, bòo lɛ ɛ́ wé ɛ̀ hɛ̀rí kɛ́ ń ɓɛrɛ mì viì tàá hɛ̀rí kɛ́ ń mí mí tĩ́ihṹ, ɛ̀ ǹ wóo ɲí kɛ́ ɓɛ́ nɛ mí wɔ́ mí ɲunù àá dìcóoní ɛ́ fɛ́sí dɛ̃̀ sãa, ɛ̀ mì lò wɔ́ mí tĩɛ̀ àá dìcóoní ɛ́ dàa páaniɛ ɛ́ hɔ̀ sɛrɔ́ ɛ̀ sɛ ɛ̀ ɓɛ̀ nìnbirìe ɛ̀ dàá dɛsĩ̀ lè Bentĩnu ǹ.

Ɛ́ hɔ́ bòo lɛ ɛ́ nín hìé cɛ̃̀un àá hɔ́ lɛ ɛ́ ń bɔ̀ niǹ tĩì lɔ̀n bòo hũn, ɛ́ ń yá ɓén dí lùwiè hɛ̀rí bòo dɔ̀ hũn wɛ̀. Kɛ́ kɛ̀a sáalɛ àá pɛ̃̀hṹ míkùi hũn, ɛ́ ńpe niǹte míkùi ɛ́ den wóo ɓén ɓàaní-ɛ Kirisa ǹ kɛ́ niǹ fɔnù tɛ́rɛ, hɛ̀rí kɛ́ niǹ yìe wi tàá hɛ̀rí kɛ́ ń yɛ̀rɛ́ hṹn húrun.

Ɛ́ Dɔfĩn ɛ́ wɔ́ hiì àá miɛ nɛ mi dɛsĩ̀ Kirisa ǹ, kɛ́ hɔ́ yí hɔ́pe mí dòonún wɛ̀. Hɔ̀ lò ɓiɛ̀ wɔ́ hiì àá miɛ nɛ mi lɔ̀n ɛ̀ be piè yènsénín.