Popular Bible Verses from Kolɔɔsi Siè 3

Share

Mì wóo sĩiníkɛ ɓán. Hɛ̀rí kɛ́ ádɔ̀ ɛ́ nɛ ɓá ńkɔnù ɛ́ wé khe àá mí, ɛ̀ kɛ̀a bòo lɛ á Ɲunsɔ ɛ́ dàa dɔ́ hɔ́ sɛ́wɛ́rí ɛ́ lɛ́ miɛ ǹ, ɛ́ mípe ɓiɛ̀ wóo dé sɛ́wɛ́rí ɛ̀ lɛ́kɛ ɓán.

Ɛ́ hɔ́ bòo lɛ ɛ́ yòó wi hɔ hóohũn iè pe ɛ́ mí wóo nùún bòo kɛ́ mí bí wóo húi àá hɔ́ bòo lɛ ɛ́ wi le súsũ̀nù lɔ̀n viì wɛ̀.

Ɛ́ hɔ́ bòo lɛ ɛ́ mí wóò wé míkùi ɛ́ mí wóo wé àá mí tĩɛ̀ míkùi, kɛ̀a ie bòo lɛ ɛ́ mí ɛ́ wé ɛ̀ lɛ́ á Ɲunsɔ ǹ, kɛ́ ɓɛ́ yí ɓɛ́ nìnbirìe wɛ̀.

Dɔfĩn ɛ́ munɛ miɛ, ɛ́ mí wo bòo sɛ̃̀ Hɔ̀, ɛ̀ Hɔ̀ wɛ miɛ. Ɛ́ sí iè hɔ̀pe ɛ́ mí dàa sãawi ɛ̀ mì wóo mi ɓɛlɛ kɛ́ miinɛ̀, ɛ̀ mì dàa lé tĩì lɛ sãa, ɛ̀ mì wóo siɛní míte ǹ, ɛ̀ mì wé nìɛ lɛ wuawi, ɛ̀ mì wóo hĩ̀ mì hũn.

Nɛ a Kirisa bienù ɛ̀ kań mí tĩɛ̀ hũn sãàní. Mì wóo kɛ̀rán ɓán ɛ̀ mì ɲì ɓán zeǹ lɔ̀n àá mí bɔ̀dũmunù míkùi. Mì wóo dé Dɔfĩn bɛrikɛ àá mí tĩɛ̀ míkùi kɛ́ mí ɛ́ hɔ̀ lehĩ́ àá hɔ́ Dɔfĩn báasíe àá hɔ́ yánbéhĩ́ lɛ ɛ́ lé àá lé Mɛkɛ̃n-Sãanu viì ɛ̀ bé. Hɔ̀ bòo lɛ ɛ́ mí wóò wé wóò míkùi, lɛ iè mì biehĩ́ bierɔ́ àá mí tɔnlɔ́ tánlɔ́, ɛ́ mí wóo wé Ɲunsɔ Yiezu yèrè lɔ̀n, kɛ́ mí ɛ́ ɔ̀ Yàá Dɔfĩn bɛrikɛ ɛ̀ dé àpe Yiezu bòo hũn.

Ɛ̀ páa hɔ́pe sí míkùi lɔ̀n, ɛ́ mí lɛ́ nɛ le wanminu ɛ̀ kań miɛ ǹ, lèpe ɛ́ temu wóò lɛ́ ɛ̀ mì ńcɛɓánlɔ́ ɛ̀ dàá ɲunù tí.

Mí wo vìé lɔ́ hɔ́ húmú hũn àá ɔ́ Kirisa, ɛ́ mí wo cɛ̀ hɔ̀ bòo lɛ ɛ́ yòó wi hɔ hóohũn, lè viì lɛ á Kirisa ɛ́ yòó van kɛsí hũn hɔ̀ Dɔfĩn ńdóonín.

Nɛ a Kirisa hũn-wiɛ̀ ɛ̀ kań mí tĩɛ̀ hũn, lèpe hũn-wiɛ̀ lɛ ɛ́ Dɔfĩn ɛ́ vɔn miɛ nɛ mi ɓen yí kɛ̀a bòo lɛ ɛ́ mí dàa iè lè tɛkɛ-cóoní nìɛ. Ɛ́ mí wé nìɛ lɛ ɛ́ dũ yìrí.

Ɛ́ lé súsũ̀nù lɔ̀n bòo lɛ wi miɛ ǹ míkùi ɛ́ mí ɓé ɲún ɛ̀ lé miɛ ǹ: hɔ̀ ńdaaníkɛɓánkũǹ, hɔ̀ yìrá bòo wénlɔ́, hɔ̀ ńwɛní hɔ́ bòo ɛ̀ vɛ khíi mí khiɛ̀, hɔ̀ bɔ̀koohɛ̃ wénlɔ́ pɔnù, hɔ̀ ńbíɲì àá bòo, hɔ̀pe ńbí ɲì àá bòo ɛ́ den iè wɛ̃̀hɛ̃ ɓàaníninlɔ́.

Iè hɔ̀ lɛ ɛ́ mí ɛ́ húrun, ɛ̀ mì mɛkɛ̃nì ɛ́ páaniɛ tànkɔ̀niɛ àá ɔ́ Kirisa ɛ́ wi hɔ Dɔfĩn hũn.

Ɛ́ kɛ̀a sáalɛ, ɛ́ mípe ɓiɛ̀, mì pĩ́ hɔ́pe sí míkùi: lè tĩcĩ̀nín, lè tĩsuè, lè mɛkɛ̃nɲiì, hɔ̀ nìwɛrɛ̀, hɔ̀ ben-khɛà lɛ wóò lé àá mí ɲihĩ́ɛ.

Mì bí wóo ɓúukɛ ɓán ɲihĩɛ wɛ̀; iè hɔ̀ lɛ ɛ́ mí fúɛrɛ̀sie mì mɛkɛ̃nì dɛ̀kĩ́i ǹ àá mí bɔ̀werà míkùi, ɛ̀ mì khie mɔ̀ lè mɛkɛ̃ni dɛ̀fĩì ɛ́ zɔn, ɛ́ mí wo iè ɓɛ̀ nìnbí-fĩɛ̀ lɛ ɛ́ Dɔfĩn lɛ iè kè mírɔ ɛ́ wóò zɛ̀ní àá sítĩnlɔ́ ɛ̀ mì dàá léɓán àá Hɔ́, bòo lɛ ɛ́ wé ɛ̀ mì dàá dũń hɔ́ ɛ̀ viení.

Ɛ̀ mìpe báa, mì wɛní mì hã́a ɛ̀ mì bí wóo wé mɛkɛ̃nɲiì bòo àá ɓɛ́ wɛ̀.

Ɛ̀ mìpe zĩncã́ahɛ̃, mì wóo ɲí mì tenliè bòo hɔ̀ bòo míkùi hũn, sí den iè hɔ̀pe lɛ á Ɲunsɔ ɛ́ wɛ.

Mìpe hã́a, mì wóo síɛní míte mì báa híɛhɛ̃ kɛ̀a bòo lɛ ɛ́ ɓɛ́ hã́a lɛ bòo sɛ̃̀ à Ɲunsɔ ǹ ɛ́ sãawi ɛ̀ ɓɛ̀ wóò wé.