Popular Bible Verses from Kolɔɔsi Siè 2

Share

Ɛ́ kɛ̀a bòo lɛ ɛ́ mí dàa tɛ̀ ɛ́ wɔ́ á Yiezu Kirisa àá mí Ɲunsɔ, ɛ́ mí wo cɛ dìń ɔ̀ ǹ, ɛ̀ mì fɛ́sí dìń piè lɔ̀n, ɛ̀ mì mɛkɛ̃nì míkùi ɛ̀ wé piè lɔ̀n, ɛ̀ mì cɛ dìń hɔ́ ńdɛsĩ̀nlɔ́ hũn ɛ̀ ɓáaníɓán àá hɔ́ kɛ̀ránlɔ́ lɛ ɛ́ mí yú, ɛ̀ mí wóo vɛ àá híɛhɔ́ àá Dɔfĩn bɛrikɛ dénlɔ́.

Mì ɓɛ́ɓɛ́ míte ǹ nɛ nìnbírɔ dɔ̀ ɛ̀ bí yí miɛ ɛ̀ vĩ mí hùrɔ́ hũn àá mí nì-khɛ̃̀níkɛà biehĩ́ lɛ ɲún mí, lɛ iè ɓɛ̀ nìnbirìe bɔ̀dũmunù biehĩ́. Hɔ̀pe nìnbirìe bɔ̀dũmunù sɔ ɛ́ wóò lé àá peɓɛ̀ làndɛ́a bòo hũn, àá lé dímíɲɛ́ bòo hũn, kɛ́ hɔ́ yáà lé àá Kirisa viì wɛ̀.

Hṹn àá híɛhɔ́ ɛ̀ mì hṹn dɛ̃̀ kɛ̀a ie nìnbirìe lɛ ɛ́ húrunkɛ hɔ̀ bɔ̀koohɛ̃ lɛ ɛ́ mí hṹn wé bòo hũn, àá hɔ́ lɛ ɛ́ mí yí fũ̀a bòo hũn. Kɛ́ kɛ̀a sáalɛ, ɛ́ Dɔfĩn ɛ́ den lɛ́ ɛ́ mí páaniɛ khũ̀a yìe wi àá ɔ́ Kirisa. Hɔ̀ ɛ́ dɔ́ ké bɔ̀koohɛ̃ míkùi sɛ́wɛ́rí ɛ́ lɛ́ kie ǹ. Ɛ́ lépe vɛ̃hṹ lɛ ɛ́ hṹn zɛ̃́ní kɛ́ ké ɛ́ wɔ́ khɔn iè hɔ̀ lɛ ɛ́ ké yí ɲí Dɔfĩn bòo ɛ́ hɔ́pe Dɔfĩn ɛ́ wo ɓɔ́ ɲún. Hɔ̀ bòo lɛ ɛ́ wɛ̃́ wi lepe vɛ̃hṹ sɔ hũn ɛ́ den hṹn zɛ̃́ní kɛ́ ké wɔ́ khɔn ɛ́ ɓɛ́ wo sãawi ɛ̀ ɓɛ̀ biení ké lɔ̀n. Kɛ́ Dɔfĩn ɛ́ den ɓaa lèpe vɛ̃hṹ sɔ lè ɓáalén dãanù lɔ̀n.

Iè hɔ̀ lɛ ɛ́ bòo lɛ ɛ́ Dɔfĩn te dàa wi míkùi ɛ́ ɲunù ɛ́ tú wi-e pe Kirisa kùusɔ ǹ. Á iè ɔ̀pe Kirisa temu lɛ́ ɛ́ mí dàa ɲɛ̀ àá hɔ́ bòo míkùi, àpe ɛ́ temu iè ɓɛ̀lɛ ɛ́ lé ɲunù ɛ́ lɛ́ nin ɓɛ́kùi àá ɓɛ́ pànkɛ́ ɓàasiè ɓɛ́kùi Ɲunsɔ.

Ɛ́ kɛ̀amu, ɛ́ mí bí nɛ nìnbírɔ dɔ̀ ɛ̀ bie nɛ mí wɔ́ khɔn hɔ̀ bòo lɛ ɛ́ mí wóò dí tàá hɔ̀lɛ ɛ́ mí wóò ɲu bòo hũn, tàá sɛ́rí dɔ̀ bòo hũn, tàá ńpĩ́ihṹ minlɔ́ bòo hũn, tàá lè ńvũunín sí bòo hũn wɛ̀. Ɛ́ hɔ́pe sí míkùi ɛ́ den iè hɔ̀ bòo lɛ vaá-ɓen pehɔ̀ ńwĩ́ihṹ, kɛ́ hɔ́pe bòo sɔ hɛ̀lɛ̀lɛ̀ ɛ́ den iè ɔ̀ Kirisa.