Popular Bible Verses from Kolɔɔsi Siè 1

Share

Hɔ̀ lerɛ kie ɛ́ lɔ́ hɔ́ síbínú pànkɛ́ hũn, ɛ́ khie van dɔ́ mí Zuú lɛ ɛ́ Hɔ́ wɛ cɛ̃̀un bɛ́záanú hũn.

À iè ɔ̀pe ɛ́ hɔ́pe Dɔfĩn ɛ́ bɔ̀nin ɛ́ dàa mɛ́ hɔ́ bòo lɛ wi hɔ hóohũn àá lé súsũ̀nù míkùi, hɔ̀lɛ loo àá yìe àá hɔ́lɛ ɛ́ yí loo àá yìe, hɔ̀ bòo lɛ pànkɛ́ wi àá hɔ́ bɛ́záahĩ́ àá ɓɛ́ ɲunhɛ̃siè àá ɓɛ́ pànkɛ́ ɓàasiè. Dɔfĩn ɛ́ bɔ̀-a ǹ ɛ́ dàa mɛ́ hɔ́ bòo míkùi, ɛ́ hɔ́ bòo míkùi ɛ́ wo bòo sɛ̃̀-a ǹ.

Àpe Kirisa ɛ́ wɔ́ cɔ́ bòo míkùi, àpe temu lɛ́ ɛ́ hɔ́pe bòo míkùi ɛ́ dàa dɛ̃̀ mí dĩ̀nlén.

Yiezu Kirisa ɛ́ iè Dɔfĩn lɛ yí dɛ̀ yá mi àá yìe ńwĩ́ihṹ. Àpe ɛ́ temu iè pe Dɔfĩn hán zɛ̀-terà lɛ ɛ́ wi hɔpe Dɔfĩn bɔ̀míriè míkùi ɲún hũn.

Ɛ́ sí iè hɔ̀ pe, ɛ́ képe ɓiɛ̀, ɛ̀ vɛ mìí àá lé yìi lɛ ɛ́ ké dàa ɲɛ́ kɛ́ ɓɛ́ ɛ́ mì bòo ɛ̀ bie, ɛ́ ké wóò hɛ̃un Dɔfĩn fúu mì bòo hũn nɛ Dɔfĩn Mɛkɛ̃nì ɛ̀ lɛ́ hɔ́ bɔ̀dũmunù àá hɔ́ hɛ́círí miɛ ǹ. Ɛ́ kɛ̀amu, ɛ́ mí wo ɛ́ dũń bòo lɛ ɛ́ hɔpe Dɔfĩn ɛ́ cɛ̀ nɛ mi wé ɛ́ ciiní. Ɛ́ kɛ̀amu, ɛ́ mí wo wóo ɓén dàá míte kɛ̀a ie nìɛ lɛ bòo sɛ̃̀ à Ɲunsɔ ǹ, ɛ́ mí wo wóo ɓén wé hɔ́pe bòo lɛ ápe Ɲunsɔ ɛ́ wɛ ɛ́ mí ɛ́ wé fúu. Mí wóo ɓén wé hɔ́ bɔ̀tente ɛ́ mí ɛ́ wé bòo míkùi hũn, ɛ̀ mì ɛ́ vɛ àá híɛhɔ́ Dɔfĩn dũnlɔ́ hũn.