Popular Bible Verses from 1 Piɛre 2

Share

Kɛ́ mípe, mí iè dàa lɛ ɛ́ Dɔfĩn ɛ́ munɛ nìɛ, mí iè hɔ̀pe Dɔfĩn lɛ iè mì bɛ́zuú khɛ̃́ndàariè, mí iè pehɔ̀ nìɛ lɛ ɛ́ Hɔ́ lerɛ ɛ́ bɔ̀ mí dòonún mí bòo hũn, nìɛ lɛ ɛ́ bòo sɛ̃̀ Hɔ̀ ǹ. Hɔ̀ ɛ́ vɔn miɛ ɛ́ mí lɔ́ hɔ́ síbínú hũn ɛ̀ khie van zɔ pehɔ̀ ńpiemu bɔ̀bɛhɔ́ hũn, bòo lɛ ɛ́ wé ɛ̀ mì lan vɛ buie pehɔ̀ bɔ̀bɛ̃hɛ̃ lɛ ɛ́ Hɔ́ wɔ́.

Àpe míte ǹ ɛ́ khuie kè bɔ̀koohɛ̃ ɛ́ bɔ̀ mí lɔ̀n lè ɓáalén dãanù lɔ̀n, bòo lɛ ɛ́ wé ɛ̀ kè dìń kɛ̀a nìnbirìe lɛ húrun lɔ́ hɔ́ bɔ̀koohɔ́ hũn, ɛ́ khie wi le mɛkɛ̃nì lɛ ɛ́ cã̀aní hũn. Ɛ́ hɔ́ iè ɔ̀pe Kirisa tɛkɛ̀a lɛ ɛ́ wimikɛa ɛ́ temu lɛ́ ɛ́ mí dàa ɛ́ wan. Mí hṹn kɛ kɛ̀a ɓɛ pirìe lɛ ɛ́ vṹnun, kɛ́ laa lɛ lɔ̀n ɛ́ mí khũ̀a ɓɛrɛ mì sierɔ viì, àpe lɛ ɛ́ te mi bòo ɛ́ húi.

Hṹn àá híɛhɔ́, ɛ̀ mì yí Dɔfĩn nìɛ wɛ̀, kɛ́ kɛ̀a sáalɛ ɛ́ mí woo iè pehɔ̀ nìɛ; hṹn àá híɛhɔ́ ɛ̀ mì bòo ɛ́ hṹn mínɛ Dɔfĩn miinɛ̀ dũnlɔ́ hũn wɛ̀, kɛ́ kɛ̀a sáalɛ ɛ́ mí bòo ɛ́ wo wi yán.

Ɛ́ kɛ̀a bòo lɛ ɛ́ ɓɛ́ zĩncãahɛ̃ lɛ tɔn sáalɛ ɛ́ iè ɓà nínɓɛ́ yɔmu mí dòonún ɛ́ peɓɛ̀ tĩɛ̀ wóò vɛ́ nin, ɛ́ mípe ɛ́ ɓiɛ̀ wóo lɛ́ nɛ mi tĩɛ̀ ɛ̀ vɛ́ lé Dɔfĩn bienù kɛ̀amu, lèpe lɛ ɛ́ iè hɔ̀ yɔmu lɛ ce lɛ ɛ́ mí ɓen ɲun ɛ̀ mì tí fúu ɛ̀ yòó vɛ fuen.

Kìe nìɛ lɛ ɛ́ ń wɛ, mìpe lɛ ɛ́ iè ɓɛ̀ nɛ̀hãà lɛ wi hɔ kɛ̀yáamu hũn lè súsũ̀nù, nín mì hɛ̃nnin nɛ mí wóo ɓaà míte àá hɔ́ tɛkɛ̀a pɔnù lɛ wóò fĩ àá miɛ. Mì wóò dàa míte sãàní ɓɛ́ nìnbirìe lɛ yí dũ Dɔfĩn tĩ́ihṹ, ɛ́ kɛ̀a mú, hɛ̀rí kɛ́ ɓɛ́ ɛ́ mì yèrè ɛ̀ yáa bòo dɔ̀ bòo hũn, ɛ́ ɓɛ́ pɛ́wi ɛ́ mi mí bɔ̀werà lɛ sãa ɛ̀ ɓɛ̀ ɛ́ ɓàaní Dɔfĩn piè khũ̀á ɓenlɔ́ zɔn.

Ɛ́ mípe, mì ɓiɛ̀ dìń kɛ̀a ie hɔ̀ sɛ̃̀nlɛ̀a lɛ yìe wi, ɛ́ Dɔfĩn ɛ́ mìí miɛ ɛ́ dàá te le zũnù lɛ ɛ́ pehɔ̀ Mɛkɛ̃ni ɛ́ mii kań hũn, ɛ̀ Hɔ̀ ɛ́ bìsí miɛ pelè hũn ɛ́ wé àá mí khɛ̃́ndàariè, bòo lɛ ɛ́ wé ɛ̀ mì dàá tɛ́ pehɔ̀ tɔnlɔ́ àá tĩì lɛ ɛ́ ce, kɛ̀a bòo lɛ ɛ́ pehɔ Mɛkɛ̃ni ɛ́ wɛ. Ɛ́ hɔ́pe sí ɛ́ iè bòo lɛ ɛ́ tĩ hɔpe Dɔfĩn, àpe Yiezu Kirisa bòo hũn.

Ɛ́ kɛ̀amu, ɛ́ mi wo fùansí lé mɛkɛnɲiì àá hɔ́ ɓúo ɓúukɛrɔ́ àá mí ɲúuhɛ̃ ɲúuhɛ̃ míkùi, àá hɔ́ ɲɛbĩníkɛà biehĩ́ àá hɔ́ yìi ńlé bòo ǹ àá hɔ́ nìwɛrɛ̀.

Mì vɛ lúwìní Ɲunsɔ ǹ, àpe lɛ ɛ́ iè lè sɛ̃̀nlè lɛ yìe wi lɛ ɛ́ ɓɛ́ nìnbirìe ɛ́ pɛ̃́ tɛ́viɛniɛ, kɛ́ Dɔfĩn ɛ́ den munɛ lè ɛ́ dɔ́ ɲún nin cɛ̃̀un.

Mì wóo dàá míte kɛ̀a ie ɓɛ nìnbirìe lɛ ɛ́ te ɓɛ́te, kɛ́ mí bí wé mí te tenlɔ́ sɔ àá fúrɛ́ lɛ ɛ́ mí dàa híɛ mì mɛkɛ̃nɲiì ǹ wɛ̀. Kɛ́ mí wóo dàá míte kɛ̀a ie Dɔfĩn tɔntɛ́riè.

Iè hɔ̀ lɛ ɛ́ hɔ́ iè Dɔfĩn tĩì bòo, lɛ ɛ̀ mì wóo wé bɔ̀tente ɛ̀ dàá lɛ́ ɛ̀ ɓɛ̀ bɛ̃́nbṹa lɛ ɛ́ yí dũ bòo dɔ̀ ɛ̀ ɲihĩ́ɛ híɛkɛ ɛ̀ bí mi bielén wɛ̀.