Popular Bible Verses from 1 Piɛre 3

Share

Kɛ́ mí den wóo ɓàaní-ɛ Kirisa mì tĩɛ̀ hũn kɛ̀a ie mi Ɲunsɔ. Mì wóo sɛ́sɛ́ míte sãaní fúu ɛ̀ dàá hìé ɔ́ nìnbírɔ lɛ mii ɓen dìe miɛ ǹ àá lé tĩì bènlén lɛ ɛ́ mí dàa bòo. Kɛ́ mí wóo wé hɔ́ àá te wuawinírɔ́ àá mɛndɛ̃rɔ́, ɛ̀ mì dàá hũn nùnlé lɛ sãa, bòo lɛ ɛ́ wé ɛ̀ hɔ̀ bòo lɛ ɛ́ ɓɛ́ ɛ́ mì yèrè ɛ̀ yaa hũn míkùi, ɛ̀ ɓɛ̀pe lɛ ɛ́ mì tòokɛ iè hɔ̀ lɛ ɛ́ mí te dàarɔ́ ɛ́ sãa ɔ̀ Kirisa hũn, ɛ̀ dí lùwiè.

Iè hɔ̀ lɛ ɛ́ Ɲunsɔ wóo húi àá ɓɛlɛ ɛ́ cã̀anín viì, À wóò tɛ́ mí ɲɛkɛ̃̀a à ɲí peɓɛ̀ hɛ̃nɛ̀. Kɛ́ Ɲunsɔ ɛ́ yá tɛ̀ ɓɛ̀lɛ ɛ́ wóo wé hɔ́ bɔ̀koohɛ̃ bòo wɛ̀.

Mì bí wé hɔ́ te cánlɔ́ lɛ ɛ́ wóò mi àá yìe ɛ̀ mì wóo bè bòo hièní, lɛ iè hɔ̀ ɲún pánlɔ́, àá hɔ́ sɛ̃́ní líɛrɔ́ kóorɔ́, àá hɔ́ tĩ̀ɛ lɛ ɓɔ̀nbuò wi zɔnlɔ́. Kɛ́ mí den wé lé tĩì hũn te cánlɔ́ ɛ̀ mì wóo bè bòo ɛ̀ hièní, lɛ iè hɔ̀ te cánlɔ́ lɛ ɛ́ yáà yaa, lɛ iè lè hɛciri lɛ sãa ɛ̀ lè lò wuawi. Ɛ́ sí den iè te cánlɔ́ lɛ ɛ́ bòo hie cɛ̃̀un Dɔfĩn viì.

Ɛ́ hɔ́ den wɛ̃́ lé Dɔfĩn bienù vɛ̃hṹ hũn ɛ́ nɛ làa: Kɛ́ nìnbírɔ dɔ̀ ɛ́ wɛ nɛ mí mɛkɛ̃nì ɛ̀ sãaní, Ɛ̀ mí kań lé hũn-wiɛ̀ hũn, Ɛ̀ ɓàasɔ bí wóo bie ben-làahɛ̃, À lò bí wóo ɓúukɛ hɔ lɛ́khɛ́a wɛ̀. Ɛ̀ ɓàasɔ ɛ̀ fùansí hɔ́ bɔ̀koohɛ̃ wénlɔ́ ǹ, à wóo wé hɔ́ bɔ̀tente, À cɛ mí kuò ɛ̀ cɛ̀ lè hũn-wiɛ̀ ɛ̀ bè máahṹ

Ɛ́ pehɔ̀ ǹ vɛ vénlén, ɛ́ ń nɛ mipe mìkùi ɛ̀ wé mí ɲunù àá dìcóoní, ɛ̀ mì wóo mi ɓán miinɛ̀, ɛ̀ mì wóo wɛní ɓán kɛ̀a ie ɓɛ zɛ̀ɓɛ̀ bòo sí, ɛ̀ mì wóo wé bɔ̀tente àá ɓɛ́lɛ kɛ́, ɛ̀ mì wóo siɛní míte ɓán híɛhɛ̃. Mì bí wóo wé bɔ̀koohɔ́ ɛ̀ dàá sàaní bɔ̀koohɔ́ kiè, ɛ̀ mì bí wóo tookɛ bòo ɛ̀ dàá sàaní tòo kiè wɛ̀. Kɛ́ mí den wóo kɔ̃́ní àá dúɓɛ́rɔ́ bienù, iè hɔ̀ lɛ ɛ́ sí den ie pe bòo lɛ ɛ́ Dɔfĩn vɔn miɛ nɛ mí wé, bòo lɛ ɛ́ wé ɛ̀ mì dàá yí hɔ́ dúɓɛ́rɔ́ pehɔ̀ viì.

Kɛ́ mí wo ɓen can mì kuò ɛ́ hɔ̀ bɔ̀tente ɛ̀ wé, ɛ́ wieni ɛ́ te hɔ bɔ̀koohɔ́ ɛ́ ɓén wé àá miɛ?

Ɛ̀ ɓàasɔ ɛ̀ fùansí hɔ́ bɔ̀koohɛ̃ wénlɔ́ ǹ, à wóo wé hɔ́ bɔ̀tente, À cɛ mí kuò ɛ̀ cɛ̀ lè hũn-wiɛ̀ ɛ̀ bè máahṹ

Ɛ́ kɛ́ hɔ́ dàa ɓen iè Dɔfĩn tĩì bòo, ɛ̀ hɔ̀ bòo ɛ́ tṹ ɛ̀ kɔ̀ lɔ̀n ɛ̀ be hɔ bɔ̀tente wénlɔ́ hũn, ɛ́ pɔ hɔ lɛ ɛ́ kɔ́ lɔ̀n ɛ́ be hɔ bɔ̀koohɛ̃ wénlɔ́.