Popular Bible Verses from 1 Piɛre 1

Share

Nɛ Dɔfĩn lɛ ɛ́ iè kè Ɲunsɔ Yiezu ɓà Yàá yèrè ɓàaní! Pehɔ̀ sãamu bɔ̀bɛhɔ́ hũn, ɛ́ Hɔ́ lɛ́ ɛ́ ké tɔn lɔ́ wɔ́ nìnbí-fĩɛ à Yiezu Kirisa lɛ vìé lɔ́ hɔ́ húmú hũn bòo hũn. Ɛ́ ké wo dàa tĩi bènlén lɛ yìe pɛ, ɛ́ dàa ɛ́ hɔ̀ kĩ́ɛ lɛ ɛ́ Dɔfĩn sɛ́sɛ́a bɔ̀sí ké bòo hũn ɛ̀ hìé. Hɔ̀ iè kĩ́ɛ lɛ ɛ́ yí dɛ̀ yá yaa, ɛ̀ hɔ̀ lò yí dɛ̀ yá le wɛ̀; ɛ̀ pehɔ̀ sãarɔ́ ɛ́ lò yí dɛ̀ yá vé wɛ̀. Dɔfĩn ɛ́ bɔ̀sí hɔ́ ɛ́ dàa ɛ́ mì hìé hɔ́ hóohũn

Ɛ́ sí iè bòo lɛ ɛ́ wiɛniɛ mì tĩɛ̀ cɛ̃̀un, hɛ̀rí kɛ́ kɛ̀a sáalɛ, ɛ́ mí fɔ́ɓán ɛ̀ mì lɔ̀n ɛ̀ be hɔ hàanírɔ́ àá mí ɲúuhɛ̃ ɲúuhɛ̃ hũn pɛ̃̀hṹ dìkíndíɛ hũn. Hɔ̀pe hàanírɔ́ sɔ ɛ́ temu mii zɛ̃́ní kɛ́ mí dàa ɓen dàa ńdɛsĩ̀nlɔ́. Hɛ̀rí hɔ̀pe sɛ̃́ní lɛ lò yí bòo lɛ ɛ́ mii kań yán fúu ɛ́ ɓɛ́ wóò tĩ hɔ dṹn hũn ɛ̀ dàá mi pehɔ̀ sãarɔ́. Ɛ́ sí iè hɔ̀pe ɛ́ mí ńdɛsĩnlɔ́ lɛ ɛ́ fɛ́sí dɛ̃̀ hɔ̀ hàanírɔ́ hũn ɛ́ bòo ɛ́ ɓiɛ̀ dɛ̃̀ kɛ̀amu. Pehɔ̀ ɲún ɛ́ den wi cɛ̃̀un ɛ́ pɔ hɔ sɛ̃́ní. Ɛ́ hɔ́ wo ɓén lɛ́ ɛ́ mí ɛ́ yí hɔ́ khóonírɔ́ àá hɔ́ ɓàarɔ́ àá lé yèrè à Yiezu Kirisa khũ̀á ɓenlɔ́ zɔn.

Kɛ́ mí wé nìnbirìe lɛ ɛ́ ce mi bòo míkùi wénlɔ́ hũn, kɛ̀a bòo lɛ ɛ́ hɔ́pe Dɔfin lɛ ɛ́ te miɛ ɛ́ vɔn ɛ́ dàa ɛ́ ce. Hɔ̀ den wɛ̃́ lé Dɔfĩn bienù vɛ̃hṹ hũn ɛ́ nɛ Dɔfĩn ɛ́ nɛ làa: «Mì wé nìnbirìe lɛ ɛ́ ce, iè hɔ̀ lɛ ɛ́ Ńpe ɛ́ ce.»

Mì wóo ɲí Dɔfĩn bòo, ɛ̀ mì bí bĩní fùansí míte ǹ nɛ hɔ́ pɔnù lɛ hàarí wi miɛ ǹ pɛ̃̀hṹ lɛ ɛ́ mí dàa hàarí ɛ́ yí dũ Dɔfĩn, ɛ̀ teń mí híɛhɔ́ ɛ̀ dí wɛ̀.

Ɛ́ sí iè hɔ̀pe ɛ́ mí dàa cɛ mí kuò, ɛ̀ mì sɛ́sɛ́ míte dĩ̀ní, ɛ̀ mì wóo ɓaà mìte, ɛ̀ mì bè mì tĩɛ̀ míkùi lè hìi lɛ ɛ́ Dɔfĩn ɛ́ mii wé àá miɛ lɔ̀n, pɛ̃̀hṹ lɛ á Yiezu Kirisa ɛ́ mii khũ̀á ɓen hũn.

Ɛ́ hɔ́ den wɛ̃́ lé Dɔfĩn bienù vɛ̃hṹ hũn ɛ́ nɛ làa: Ɓɛ̀ nìnbirìe ɓɛ́kùi ɛ́ dɛ̃̀ kɛ̀a ie hɔ ńɲíini, Ɛ̀ peɓɛ̀ sãàrɔ́ míkùi ɛ́ dɛ̃̀ kɛ̀a ie hɔ mɛhɛ̃ ńmuunín, Hɔ̀ ńɲíini ɛ́ wóò he ɛ̀ pehɔ̀ ńmuunín ɛ̀ tè ɛ̀ khíi síɛ, Kɛ́ Ɲunsɔ bienù ɛ́ pe ɛ́ wi yán fúu. Ɛ́ lépe Bienù sɔ ɛ́ iè lè Bentĩnu lɛ ɛ́ ɓɛ́ buie ɛ́ lɛ́ miɛ ǹ.