Popular Bible Verses from ESAY 41

Share

Joŋ hẽẽne wa werga ndi yaŋ de ɓo. Ti bii mo hay go nen ɓo taʼ taʼ doo hẽẽne wa werga ndi diŋ Baa ɓo no. Ndi hã egre ne ndo, ndi caa war ɓo day ndi kay mo de doo ɓi ma blaw jar go no.

Werga ndi diŋ Manwuri, Baa ɓo maga ɗaw doo ɓo go ciŋ day wii mo ga : Joŋ hẽẽne wa, ndi le de caa war ɓo mono.

Ko ga sõõre wùu ti ɓaara yaŋ go day saara cog ti yaŋ go gesiŋ, diŋ jar se maga hay sõõ wo ɓil mo ti mo ɓuy no. Á dwas ge wo yaŋ go, taw ge wo go, jar se maga gẽɗ wo jag ɓo mono.

ndo maga ndi hay baa mo le ti jag sir tawge, ga ndi ɗe mo le hãã ti tawge siri, day ndi riŋ moge ga ndo diŋ wejõõ ɓi, ndi de baa ndo ɓi day ndi tob ge ndo go gà mono.

Ndo kiɗ gi ra yaŋ day ndo daʼ ge ra gà so hase, jar se maga hay wo leɗ moge mono. Á dwas ge wo go has tuu, jar se maga hay wo dur moge mono.

Joŋ hẽẽne wa, ndo wel gogo mani Jakob no, ndo Israyel ma bay egre no : Ndi le de caa war ɓo. Mo nà diŋ wããre ma jag Manwuri, je coo moge no, je ma bay ɗag ma Israyel no.

Ama ma ɓo ndo Israyel wejõõ ɓin mono, ndo Jakob maga ndi hay baa mo go ɓi mono, ndo ma ti wer mani Abraham bar ɓin mono

Ndi joŋ ge yaŋ ga bii mo yor le go nen duguɗgin wo, ga gedel mo hay wo ɓil log wo. Ndi kol ge laalen yaŋ go diŋ mangloŋ, ndi kol ge sir ma bay biin yaŋ go diŋ pyewre wo.

Jar gayre wo de jar coo wo de kiɗ bii day se bay wa. Kiŋ ɓaara hig go doo jwaale. Ndi Manwur, ndi laa ge jag ɓaara yaŋ, ndi Baa mani Israyeln ndi tob ge ra go gà.

Wose hay joŋ ga fẽẽre sen mo joŋ wo mo la? Diŋ je maga biŋ wer jar wo le hãã le ti tĩĩgi wer mono. Ndi Manwur ndi diŋ je ma taŋgu no, day ndi joŋ ge yaŋ wo ti wur mani jar ma peln wo wo pa.

Ndi peɗ ge koo sedere, koo gasiya, koo mirte wo de koo Olifiye wo yaŋ ɓil puuli no, ndi cor ge koo siprese, koo orme wo de koo buwis wo yaŋ jag taʼ boŋ ɓuy ti laale no. Sen nà nen maga á mo ko wo de nen ɓaara, mo daʼ wo wer ɓe, mo kaŋ wo nen ɓaara taʼ taʼ day mo laa wo wer ɓe ɓuy ga doo Manwur hay joŋ fẽẽre sen wo, ga je ma bay ɗag ma Israyeln hay joŋ ra.