Popular Bible Verses from ESAY 42

Share

Ndi Manwur ndi hay ɗe ndo maga ndo mo joŋ fen ma keɗed no, day ndi raw ɗaw doo ɓo ciŋ. Ndi de gor ti ɓo day ndi kaŋ ndo maga ndo mo tay jag jar no, maga ndo mo hay diŋ poɗag ma wer jar wo, ma buŋ nen jar rẽwre wo go, ma ɓoʼ je ma de baa ge ti daŋgayn go, ma laa jar maga wo ti paglam nen suŋgu wo go.

Ndi diŋ Manwuri, ɗúu ɓi nà doosen nono. Ndi hã ge togoɗge ɓin go ne je tigriŋ gà ndi hã ge hooge sug maga à hoo ti ɓi go ne fodo ma de ceɗgen wo gà.

Ko we wejõõ ɓi maga ndi go de oole wer ɓe sog boŋ tuu mono, je maga ndi maŋn go day maysee ɓi go de fruygi ti ɓe debaŋ mono. Ndi de kaŋ Nenterse ɓi ne hẽn ti day se naa ge nen fen ma ti faage ɓen ne wer jar wo ra.

Á haw ge fǐiri bii ma de laɓayn go gà ii gi jag wùu maga de yããge es es go gà lay. Á naa ge nen mo ma ti ngel ɓe cwãyn yaŋ go. Á gay ge ti faage gà lay, mbuɗ gi nen blam gà lay hãã se kaŋ caage kiida ma ti ngel ɓen go ciŋ ti sir la ɗa, day jar ma ti kaalin gor wo jag liŋgi ɓen yaŋ.

Ndi kol ge jar rẽwre wo yaŋ go seege ti faage maga á hay bay wo de koge ɓe wa. Ndi see ge yaŋ de ɓaara ti blam faage maga a hay wo de yõõge see ɓaara mono. Ndi kol ge suŋgun yaŋ go ne hara pel diŋ poɗage, kol ge sir ma de tuun wo yaŋ go ne hara pel diŋ sir ma bay tuu. Kidolgi mono diŋ fen maga ndi joŋn ge mono, day ndi tob gerage go gà.

Ko we ga fẽẽre ma taŋgun hay bag wo jag go day ndi sii ma defay wo ne nday pa. Taŋgu maga á bay wo tĩĩ joŋ ge ɗa mono, ndi wãã ra maga nday mo laa ra go bole.